تجمع بنات ليبيا

هذا ياحنة احسن شركة اسمها ليبيا للاتصالات والتقنية LTT وهي شركة تابعة للشركة العامة للبريد والتقنية
وموقعها هو www.lttnet.com
عندها نظامين النظام الاول الاتصال عن طريق الدايل اب يعني اتصال عن طريق التلفون تشتركي مرة وحدة ب25 دينار وبعدين تبدي تشري في الكروت متاع 30 دينار قيمة الساعة 40 قرش يعني تقريبا الكرت فيه 72 ساعة وانتي كمليهم براحتك وامتى ماتكملي بتشري كرت تاني وهكذا
اما وخيتك امدايرة اشتراك متاع ADSL يعني 24 ساعة هذا ياوخيتي حتى هو من نفس الشركة LTT الاشتراك ب 150 دينار وبعدين تقعدي تجددي كل شهر ب50 دينار لكن من ميزاتها انه حتى لو الهاتف عليه ديون ومصكر عادي تقدري تخشي للنت بس تقريبا لو ماجددتيش شهرين ايضيع عليك الاشتراك

طبعا ADSL احسن هلبة من dail up لأنه اسرع ونادر مايفصل
اما الكروت اللي تحكوا عليهم فاهدوكا من شركة تانية زي الفلك وعالم الاتصالات الحديثة بصراحة جربتهم وفددوني ديما يفصلوا والاتصال يكون ضعيف جداااااااااااااااااااااااااا

وهذه الاسعار متاع الشركة
http://www.lttnet.com/new_prices.php

اهلين ياحبيبة انا والعويلة بألف خير ان شاء الله انتو كلكم طيبين
مانحكيلكش قداش نحب المناظر الطبيعية قعدت نتخيل في البحيرة والجبل <<<<ياوالله حالة وخلاص
لكن كان مشيتو مرة تانية بالله حطيلنا صوره<<<<ماعنديش روح مع الصور والكاميرا ديما في ايدي
وانا عن نفسي عندي مجموعة صور مليحة توة نحطهالكم ان شاء الله