<´¯`•.¸¸.•´¯`•.¸¸.•´¯`•.¸ تجـــــمعع صبايا (19,16)¸.•´¯`•.¸¸.•´¯`•.¸¸.•´¯ `>

نات انا فيا نقط بنيه ف الساق جاتني من استخدمت المكينه وحفيت فيها بس الحين استخدم حلاوه بس م تروح ايش الحل؟

جربتها فترا بس ماطولت تكاسلت بس رجعلها

انا بقولكم ايش سويت وايش الشي الي حمشي عليه ان شاء الله
اول حاجه حطيت خلطه زيت النارجين مع زيت السمسم سوتها ماما الله يخليها ليا وخلتها في الشمس
حطيتها ساعتين ولفيت كيس وسويت شغلي وبس خلصت روحت اتحممت
وغسلتو بشمبو فاتيكا الي غطا فوشي مررررة حلو وريحتو جنان وطبعا بعدها البلسم
بعدين استخدمت صابونه الجليسو ليد بالزيت الزيتون واليسمين وهيا لاصقه فيها ليففه مرررة روعه وحتصدمي من الي حيطلع من جسمك
اشتريت ملح الحليب الي حخلطو مع الحمام المغربي بس لسا ماسويتها
وبعد ما خلصت رطبت بنيفيا بالتوت وهو مفتح للبشره بس انا مايهمني التفتيح قد مايهمني انو مايكون في تقشيير و جفاف
وشي نضفتو بغسول هملايا وهو مقشر يومي وبعدو كريم قارنيه لايت بالليمون
وانا فاضيه تلاقوني ابوخ وشي بمويه الورد مع قشور الليمون والبرتقال وطبعا اهم شي يابنات تنضيف الزيواااااان الي على الخشم يابنات هدي اكتر شي تبين نضافه وشك والي مايعرف ايش هو الزيوان هو النقط السوده الي على الخشم والي تبغا تعرف طريقه تنضيفها تقولي وانا اديكم اكتر من طريقة :)
ربي يسعدكم كووولكم حبايبي

اختي الي اسمها الحياه جميله بتشتكي من شعرها انو فروتو دهنيه ومن تحت جافه ياقلبي انا زيك بالزبط وسألت الكوفيره عنها قالت لاتحطي البسم على فروه راسك حتى مادهن
وفي خلطه كنت اسويها زمان وكانت الكوفيرة الي اروحلها تمدح في شعري انو صح خشن لاكن يطاوعك في السشوار ماشاء اللله ولما طفشت وبطلتها قالتلي شعرك مو زي زمان حطي في الماسك الي كنتي تسوي
وانا بقلكم عالماسك كان لبن زبادي مع زيت سمسم ومو مهم حطي اي زيت حتى لو زيت زيتون ومعا صفار بيضا وذا تحبي تضيفي ملعقه عسل براحتك بس السر في الزبادي وصفار البيض والزيت ولفي شعرك بكيس وبعدين ادخل اغسلي انا محا اقول شعرك بيسير نااااااعم لا بس لما تستشوري حتشوفي النتيجه صفار البيض بروتين والشعر اصلا تركيبتو بروتين فحيتغذا ان شاء الله
بياض البضه خدي وادهني بي وشك وخلي ينشف وبعدين حطي طبقه تانيه وحطي مناديل على وشك وبعين ادهني فوقو تاني وخلي يجف بعد مايجف انزعي المناديل بقوه من وشك حيطلع من المسام الوسخ واذا في شعر في الوش ممكن يروح :) وبس
ادعوولي الله يسعدكووووم انو ربي يحقق كول شي في نفسي ويحققلكم كل امانيكم يارب