السلام عليكم ورحمة الله وبركاته
مبارك عليكو الشهر وان شاء الله بنعاد علينا وولادنا بحضننا بحق لا اله الا الله محمد رسول الله
من لما بديت اكتب ما بعرف ليش دموعي سبقتني وحسيت حالي بمكان برتاح فيه والله ما ني شايفة الحروف من دموعي
الحمد لله على كل حال نزلت الدورة مبارح والله حسيت كأني كنت بطريق وانقطعت فيني الدنيا مرة وحدة .....ز الحمد لله راضية بقضاء الله كان عندي امل بالله كبير احمل طبيعي وانا ببيتي بس الحمد لله قدر الله وما شاء فعل وربنا رحيم فينا وارحم فينا من اهلنا .
انا بستخير من مبارح بستخير لحتى اروح اعمل ترجيع لاحنة مجمدة عندي من اكتر من سنة في مركز الحبيب وطبعا الدكتورة في اجازة وفي الدكتور توفيق جعفر والبقنة بس زوجي ما حابب البقنة لموقف صار معنا وقت حملي السابق فقال خلص بنروح لدكتور توفيق بس ما لقيت عنده موعد الا انتظار وان شاء الله اليوم بروح موعدي وبشوف شو بصير .
انا بحاول كل شهر اعمل شي الشهر الماضي منشطات وابرة تفجير ومثبتات والحمد لله ربنا ما كتب وهذا الشهر قلت برجع اجنه مجمدة ( ربي يجعلها سبب بحق صلاتي على الحبيب ) لانه العمر بجري وقربت ع 35 وخايفة اندم اني ما بتابع بحالي ع انه ربنا عالم اني باخد بكل الاسباب بس حكمة ربنا فوق كل شيء
سامحوني حبيت اجي افضفض في بيتي وبين خواتي .......... أسألكم الدعاء لي عند فطركم عسى وحدة تكون مستجابة الدعوة ويجعل سابع عملية سبب في حملي والله المستعان
تجمّع الأمل 60 للمقدمآت والمنتظرآت نَتِيجَة أطْفآل الأنابيب والحقن المجهَري
متابعة النقاش، صفحة 325