حلمتي حلم وتفسر بنفس المنام تعالي هنا:الله اكبر سبحان الله

لا والله أنا ماقد صارمعي في حياتي حلم وتحقق في نفس الحلم او في الواقع
وسبحان الله قبل شهرين حلمت حلم كان فيه موت وشفت منهم ناس من اهل بيتي
وفي نفس اليوم مامر عالحلم كم ساعه الا وجانا اتصال من اهل زوجي انه جد زوجي توفى واللي شفتهم باللحلم كانت جدة زوجي أخت المتوفي وفعلا كانت صدمه بالنسبة لي لانه كنت خائفه من الخلف وفعلا تفسر قدامي حرف حرف وبنفس اليوم وسبحان الله يارب له حكمه في كل شئ
الله يرحم جد زوجي وأموات المسلمين رحمه واسعه من فضله

انا زي الاخت لحظة هدوء

بس انا اخاف من الاحلام واخاف احد يفسر احلام عندي فوبيا :(

السنه اللي فاتت قبل رمضان بيوم حلمت حلم غريب كنت ع البحر وصارت احداث ,, المهم
وانا اقول بالحلم لازم افسر هالحلم <<مع اني وقتها ماعمري فسرت احلام ولا اهتم لها

بعدين سمعت مفسر احلام يفسرلي الحلم ويقولي بيصير لك كذا وكذا وكذا
ويقولي اني بتزوج ...

وانا اصيح (مدري كنت صاحيه ولا نايمه)) المهم اقول مابي اتزوج الحين ابي اتوظف خخخخ\\ وصحيت مستغربه وطنشت الحلم


بعدين بالصدفه لقيت مفسرة احلام ماشاء الله عليها بأحد المواقع وكتبت لها الحلم قالت فعلا راح يصير مثل ماقالك المفسر \\
واصلا بعد الحلم بأيام تقدم لي خاطب فيه نفسسسسس المواصفات اللي قالها المفسير انه تاجر وذو مال ومتنقل بطبيعة عمله يعني وله مكانه بين الناس (( سبحان الله

بس الزواج ماتم بسبب مشاكل :(,, ادعولي اذا فيه خير يرجع ..
موضوعنا بين شد وجذب مااعرف مصيري معه كيف :(



طبعا المفسر كان هذاك الشيخ اللي يجي ع الام بي سي كل جمعه يفسر احلام ... مدري اش خلاني احلم فيه مع اني ماعرف اسمه حتى ولا اتابعه ابدااااااااااا


والحمدلله قبل رمضان هذا نزل اسمي مع المترشحات الخدمه المدنيه

انا اسمع كثير ان الحلم الي يتفسر بالحلم هذا يسمونه اصدق الرؤيا يعني يكون هذا تفسيره مره اختي شافت حلم وتفسر بنفس الحلم وسالت شيخ وقال هذا تفسيره والله اعلم

انا دايما اتخيل اشياء وتصير واحس اللي حولي ماعاد يصدقوني

لاني دايما افكر في ناس بعيد ويجيني خبر عنهم


واحلامي دايما تتحقق الحمدلله