هالموقف صار لي قبل فتره كنت داخله الحمام كرمكم الله وهو كان ناسي الموبايل هناك وشفت رساله جديده واصلتنه قمت وفتحتها وشفت المسج عاطفي جدا واستغربت من الرقم لانه امخزن بأسم ربيعه بس الرقم غير المهم طلعت الرقم بأسم منو وخليت واحد من اهلي يتصل عشان اتأكد والي ردت بنيه :29: وانا من النوع الي ما اقدر امسك عمري واجهته بس في التلفون لاني اكتشفت انها بنت وهو برع المهم قال انه رقم اربيعه واذا انا مب امصدقه اتصل على ربيعه اتعرفون شو سويت
والله سويتها من القهر واتصلت في ربيعه وسألته انت كم رقم عندك ذكرهم بس ما ذكر الرقم الي عندي ويوم واجهته قال لا انا نسيت هذا بعد رقمي :09: وانا طبعا ما ينقص عليه اتصلت في البنت وقلتلها انتي مطرشه مسج اليوم واتعرفين على رقم منوه استهبلت وسكرت التليفون وبعد 5 دقايق اتصل اخوها << الغبيه بتخوفني بأخوها المهم قلتله على كل شي وهو مسكين مصدوم ومب امصدق
وانا قلت حق ريلي طلقني ولا بخبر اهلي بس هو اتصل في ربيعه وضاربه خخخخخخخخخخ
المهم ان السالفه طلعت انها الحقيره كانت مع ربيع زوجي وهو الي مطرش المسج من تليفونها
بس انا كنت اتصل فيها وما اترد عليه وعقب ردت وتمت تغلط وسكرت التلفون في ويهي طرشتلها مسج وقلتلها اذا تبين اتعرفين منو انا اتصلي عشان اخبرج طبعا هي ما اتصلت وثاني يوم بعد طرشتلها مسج واتصلت قلتلها سمعي يا فلانه بنت فلان الفلاني وشكلها انصدمت هههههههههه بس انا ما سبيتها اللهم قلتلها الله يهديج وان الي اتسوينه غلط وهذا ما بينفعج لانه يلعب عليج
بس تبون الصدق ادبتهم هم الثلاثه ( ريلي - ربيع ريلي - البنت )
وآسفه اذا كلامي مب مرتب بس والله اندمجت هههههههههه:23: