هذي اول مره انزل موضوع واحمل صور ان شالله يضبط معاي وتستفيدون اولا أنا دايم اقضي للجامعه قبل رمضان وبعض الاحيان تنقصني بعض الأغراض اكملها في اول ايام رمضان لأن في اخر رمضان تكون الاسواق زحمه يعني مثلا الحين أنا مخلصه كل أغراضي المهم قبل ماتبدين تقضين تمسكين ورقه وقلم وتكتبين
1- كم ميزانيتك (أنا ميزانيتي كانت 3000 ريال ) 2- الأغراض اللي ناقصتك من الألف للياء 3- بعدين ترتبين أغراضك من المهم الى الأهم وهذي اهم نقطه يعني مثلا تبين تشترين شنطه وجزمه وعندك شنطه تقدرين تمشين حالك فيها ولكن ماعندك جزمه اما ان تكون جزماتك متقطعة او قديمه بهالحاله تكتبين الجزمه اول وانتي بكرامه بعدين الشنطه لانه مرات الميزانيه تخدعك 4- طبعا الأغراض ماراح تكون كلها من مكان واحد علشان كذا لازم تكتبين اسم المكان وتحته الأغراض اللي بتاخذينها منه مثلا ( الصيدلية : مزيل عرق ، حمام زيت ، وهكذا ) بسم الله نبدأ مع القائمه اللي سويتها لنفسي واللي حطيتها حسب ميزانيتي وحسب الأغراض اللي ناقصتني واكيد تحطين في بالك الأشياء المسموحه والممنوعة في جامعتك.
1- رياض غاليري :
1)3 قمصان للجامعة اخذت واحد من hm ب 129 والثاني من مارك اند سبنسر ب 199 والثالث من زارا ب 199 ريال المجموع 527ريال وهذي اهم 3 محلات دايم روحي لهم الأول


2) ستيانات ثنتين من نعومي الوحدة ب 99 واذا أخذتي 2 يعطونك إياها ب 135 دايم أخذها من عندهم مريحه وعمليه اخذت وحده سودا ووحده لحمي 3)جزمه من ميلانو اللون بني يصلح مع كل قمصاني لأني ماراح اشتري غيره ب 265 ريال فلات

4) اخذت 3 بلايز كت من نييوركر ب 160 ريال البسها مع بليزر جاكيت اسود عندي من العام

5) شنطه من كشك اسمه بازار تقليد درجه اولى ماركة مايكل كورس لونها اسود ب 300 ومن نفس الكشك شنطة مكياج صغيرة ب 50 ريال لونها اسود والموضة الحين شنط دكتور باق

وهذي شنط دكتور باق








