طريقتي اللي خلت عيالي يحفظون جزء عم تقريبا ... سورة النبأ حافظينها عن غيب ولله الحمد
يمكن عيالي اكبر من عيالج بس طريقتي يمكن تنفعج او ممكن تستفيدين منهااا ..
عندي سي دي جزء عم لمشاري العفاسي بسيارتي ..
يوميا لما اروح وارجع من الدوام وعيالي معاي اشغل السي الدي .. ولله الحمد
حتى لما نروح مشاوير صغيرة يقولون حطي لنا عم يتسائلون .. بنفسهم حفظوها بدون ما اطلب منهم ولا شي ..
يا اختي نصيحتي لج بان الحين اجازة وقت النوم تحطين السي دي او الايفون على سورة صغيرة وتكررينها يوميا بدون ما تطلبين يحفظونها .. يعني تحطين سورة الناس تشتغل وتعيدينها كل شوي .. او ممكن ثلاث سور صغيرة مع بعض يوميا وراح يحفظها بنفسه بدون ما تطلبين منه.. ولا تقرينها بصوتج خليه يسمعها ويحفظها بنفسه ولما يحفظها راح يقراها بصوت عالي عاد انتي اقري معاه ..
من قال انه تو الناس .. بالعكس حبيبتي عقل الطفل الحين فاضي لازم نحشيه معلومات ..
لا تخلين كل وقته قران .. جذي راح يكره القران ..ولا تجبرينه على شي خليه يكتشف الاشياء بنفسه ...
اتمنى اني فدتج بشي .. وسامحيني على الاطاله ..
الله يكتب اجر من تدلني على طريقه احفظ اطفالي القران عجزت معاهم
متابعة النقاش، صفحة 2