ما تلاحظوا ان كل شيء في حياتنا لونه خريفي؟؟
لو أتأملنا بيوتنا الا ما نلاقي اللون البني يطغى عليها. اكثر الناس طايحين على البيج والبني والذهبي. حتى مبانينا الحكومية ألوانها خريفية.
السيارات في الشارع ألوانها جامدة. حتى اكلنا يطغى عليه البني والسلطات تعتبر عند كثير من الناس شيء ثانوي.
ما تلاحظوا نفس اللي ألاحظه؟؟
شاركي في النقاش
سجلي الدخول لإضافة تعليق.
التعليقات
9- من كثر ما اكره الألوان البنية والعفش الكلاسيكي خليت بيتنا ملون
خليت المجلس سكري ماغيرته لأنه مجلس رجال ولازم يكون رسمي. لكن باقي البيت قلبته ألوان
المدخل خليته تفاحي والصالة اخضر وأزرق مع خشب ابيض. غرفة الحريم خليتها كلاسيك بس مو بني قلبتها رمادي. غرف النوم وحده ابيض واسود مع اخضر. والثانية اسود مع أورنج واصفر. والثالثة وردي مع رصاصي مع خشب ابيض وفيها قطعة حمراء. والرابعة ارجواني وأزرق مع خشب ابيض. والمطبخ اصفر.
مع شروق الشمس لمن تفتحي الستائر تحسي نفسك ماشية في حديقة من جمال الألوان.
أنصحكم تجربوا الألوان الفرائحية الطبيعية ألوان الربيع. حتى نفسياتكم راح تتغير. حاولي قدر الإمكان ما تعفشي في الستائر خلي نور الشمس يدخل البيت لانه ضروري وصحي . كمان لا تكثروا عفش في الغرفة خلي جمال السيراميك يبان. لمن يكون عفشك مو كثير تحسي بيتك مرتب طول الوقت حتى لو اتكركب. - بجد مع انه الالوان الفاتحه اهدا للنفس والعين .
- الناس اذواق انا مايعجبني خبص الالوان كثير
- ماااااااااااااااااا احب الالوان الكلاسيكيه احنا بيتنا مودرن ايطالي الوانه كلها ابيض تفاحيبيج وكمان فيه درجتين الرمادي الفاتح والغامقوفيه غرف داخل معاها الاورانجوغرف الاسود والنيكل بس بجد رررررررررررررررررررررررررررررررررررررررررررروعه وما تملي منها
- اختيار الألوان فن له اصول ليش بعض الناس تعتبره خبص.
صح فيه ألوان غامقة مو حلوة ومدمجة مع ألوان اخرى بس الألوان الطبيعية لمن تدخل البيت عمرها ماتكون خبص. اقصد بالألوان الطبيعية اللي هي نفس ألوان الورود.
مواضيع مشابهة
تابعي تجارب أخرى من هذا القسم.