وأيش السالفة قبل المطابقة في منطقة مكة وبعد المطابقة في محايل

انا طابقت في جده
وطلع التعيين فالباحه بس انا حاطه الباحه ضمن المناطق اللي اخترتها
في جداره ومو مشكلتي فالمكان مشكلتي ماحصلت شغاله ومتوهقه
بنتي صغيره باقي فالاربعين مدري كيف بداوم ووين اوديها

يا قلبي المطابقة تكون في المنطقة اللي انتي محددة تراجعي فيها وبتكون في اول بياناتك في جدارة


اما مكان التعين بعد المطابقة يكون من الرغبات اللي محددتها ... بس غريبة يوضفوكم ع مناطق ماحددتوها ...

الله يوفقك ويسهلك امرك يارب

ام النشميات انتي زي وضعي الله يعيننا واهلي بعييييد
يترب يسرها لنا عندنا عيال وفرحتنا ناقصه 

رجعت لكم ثاني ....اقول لكم وايش صار لي..
اليوم وقبل ما أروح للديوان شفت الأسماء قبل المطابقة وبعد المطابقة وتأكدت أن قبل المطابقة كان مكان المطابقة فقط اما بعد المطابقة مقر الوظيفة زي ماقالوا البنات ...وأنا طبعا غير تربوية وأخترت في الاداري ثلاث مناطق فقط إللي هي جدة ومكة والقنفذة أما التعليمي أخترت خمس مناطق آخرها محايل عسير بس طلعوني منها ...الموووهم رحت الديوان ورحت للمديرة وكانت تحت عند الموظفات وسألتها قالت نحن أخذنا من كل القوائم التعليمي والاداري ... ماتبغي تنازلي عن الوظيفة ... ياساتر الله أكبر عليك من حرمة .... على طوووول تنازلي ...المهم قلت لها ماابغى أتنازل بس غيروا لي المنطقة قالت نحن دورنا انتهى خلاص روحي ادارة التعليم هناك يشوفوا وضعك .... تصريفة وبقوة كمان ... حسبي الله عليكم ..
والله ياناس محتاجين ...كانت تسأل الموظفات عن الملفات وشي من هذا ..المهم قالت لهم في احد مقدم على ينبع قالوا لها مافي قالت محتاجين عدد كبير في ينبع ....معقولة مافي أحد مقدم على ينبع ....كنت نفسي أقول لها حطيني في ينبع بس خفت ترميني بالشلوت وانتم بالكرامة:icon29::icon30:

ريف الروح وينك انتي خلاص صاحبتي من اليوم نشوف وضعنا مع بعض الله يسهلها لنا

رغبات الاداري انتي حطيتيها بعد ماخلص تقديم المكرمه بتاريخ 2-3 ماراح ياخذون فيها لان اي تعديل بعد تاريخ المكرمه ماياخذون فيه
وشي ثاني انتم تقولون ماخترنا المنطقه طيب كان بخيارات جداره فيه سوال اذا ماتعينتي بالمناطق اللي حطيتوها هل ترغب بمكان اخر اذا اخترتي نعم خلاص ماتقدرين ترفضين
الله يوفقكم كلكم يابنات