الكل يدخل يساعدني الله يعتق ارقابكم من النار

السلام عليكم
مشكلتي بنتي معي ومع ابوها والشغاله عاااادي تلعب وتضحك وش حلاتها فديتها
وكانت كل عصر تروح عند بنات حماي تلعب معهم وتوديها الشغاله كذا طوال سنه كامله
قبل اسبوعين ترفض تروح قلت يمكن زهقت
وعند اهلي ماتلعب الا اذا كانت الشغاله قاعده عندها او انا
وتلعب بدون ماتحتك في الاطفال يعني تخاف وبقووووه
سافرت الشغاله قبل ايام وبنتي عاااادي بس مازال الوضع مع الاطفال زي ماهو
مره وحده قالت لي يمكن بنتك عندها توحد
سمله عليها
والله بنتي جاتني بعد حرمان 8 سنوات بس والله مادلعتها
تعبت ونفسيتي تعبت قسم بالله اكتب الحين والعبره خانقتني
انا معلمه ولافيه احد بيمسك بنتي الصباح بعد الشغاله سجلتها في حضانه بس شاكه انها بتقعد فيها
يابنات حتى اهلي تناديني العب معهم ومع الاطفال وين مايروحون الاطفال تقول يله ماما
تعبت تعبت
في المجمعات عادي تمشي وتنادي الاطفال وتضحك
بس وقت اللعب تخاف منهم ومن بعيد لبعيد تلعب


تتوقعون وش اسوي لها
تتوقعون بتتقبل الحضانه!؟؟؟
بنتي فيها شي لاسمح الله؟؟؟
عطوني حلول
طالبتكم طلبه ردوا علي
والله تعبت تعبت تعبت
ياااااااارب خل لي بنتي ولاتحرمني ياها واشوفها بصحه وسلامه
الله يسلمها لي واشوف زي الاطفال
يااااااارب رجيتك

وجزاكم الله خير

7 تعليق 739 مشاهدة

شاركي في النقاش

سجلي الدخول لإضافة تعليق.

التعليقات

6
  1. @ahb_tfly_1

    كم عمرها بنتك ومااظن فيها توحد بس الاطفال اللي لوحدهم اغلبهم كذا يحبو يلعبو لوحدهم لأنهم بالبيت لوحدهم لا تشيلي هم حصنيها ودخلوها حضانه عشان تستقل عنك وتتعود. الله يخليها لكي
  2. ان شاءالله مافيه الا الخير التوحد اعرضه كثير مو بس انهاتلعب لوحدها لا تكون عنيفه تسوي حركات غريبه. مو كل من جلس لوحده يكون فيه توحد يمكن بنت موب اجتماعيه
  3. @mnaoy_alshok

    صاحبة الموضوع
    الاميره قوة
    ان شاءالله مافيه الا الخير التوحد اعرضه كثير مو بس انهاتلعب لوحدها لا تكون عنيفه تسوي حركات غريبه. مو كل من جلس لوحده يكون فيه توحد يمكن بنت موب اجتماعيه
    بنتي الآن عمرها سنتين و3شهور


    ياااااااااااارب أفرجها
    مشكورات حبيباتي
    بس ودي تعطوني حلول علشان تندمج مع الأطفال أخاف إذا بدأ الدوام تغلقني وماتحب الحضانه
  4. @lolo_khgolh

    اختي طبيعي جدأأ ان شاء الله
    كثيررر من عيال في اهلي كذا

    هو من الدلع او هو تعود يتلصق فيكي من الطفولة

    يررررجع طبيعي لا تخافين
    بس جربي حطيها عند اهلك وروحي مشوار خفيف

    خليها تتعود قبل الحضانة
  5. @almaaaaash_2

    كنت مثلها إلى أن وصلت مرحلة الجامعه
    أمي كانت تخاف علي وين ماأروح وماتخليني ألعب إلا مع اخواتي يروحون معي
    أو هي تروح معي أو الشغاله
    :
    نصيحتي خليها تلعب لحالها
    حاولي تروحين السوق وتخلينها عند أهلك
    حاولي تخلينها تلعب بمكان آمن بدون لاتشوفك عندها
    وبرضوا مابغيتك تدخلينها الروضه الآن وعمرها سنتين ترى طبيعي بسنها تخاف من أي شيئ

    أحرميها فتره من الألعاب
    وخليها تشوف الألعاب عند قرابتها الصغار عشان تشتاق للعب وتروح تلعب معهم
    وبرضوا لاتاخذينها ملاهي فتره وحاولي تطرين الملاهي كثير قدامها ولاتروحين وخلي وحده من خواتك تاخذها للملاهي مع بزارينها
    أو روحي للملاهي بس لاتقومين معها بل قوليلها روحي ألعبي أنا ماأروح
    بإذن الله تشوفينها تلعب بدونك

    هذا اللي قدرني الله عليه والله يطمنك عليها إن شاء تعالى

تابعي تجارب أخرى من هذا القسم.