مرشحات الخرج حياكم/ قديم

مافيه شي جديد 'انا غطست في رمضان وقلبي والله معكم الله يوفقنا وياكم جميعا 'منيب ادري عن شي الا منكم ياحبي لكم ' جعل هذي الوظيفة فاتحة خير وسعاده لنا يارب

ام الدومي

لعل في الامر خيره توكلي على الله ومن يتوكل على الله فهو حسبه

سلام بنات اللي تحب تسمع الشور والنصيحه والله تسكن بالخرج والحمدالله كلش متوفر فيها وبترتاح من كثير من المشاكل والمصاعب ومنها الزحمه وهم الطلعه من الرياض بدري وخصوصا اللي عندها عيال لا وبالشتاء بتعرفون كيف التعذيب وربي الله يكون بالعون لا والطريق يابنات والله مرره زحمه وتريلات ومشاكل وانواع الحوادث الله يكفينا الشر لان اكثر موظفين الخرج يداومون من الرياض وزحمة الشاحنات بسبب شركات الالبان كلها بالخرج والمزارع اكثرها هناك يعني احيانا كانك ماسكه طريق الملك فهد من كثر السيارات والاهم والله وفكروا فيها زين عشان عيالنا وربي بيتمرمطون اللي عندها عيال ولا راح ترتاح ابد طول اليوم قلبها مع عيالها ماتدري تركز مع عيال الناس بالمدرسه اللي هم امانه او على عيالها وترئ حتئ بتوفرون الاجارات ارخص والله من الرياض واذا سكنتي بالخرج فكري خمس دقايق وانتي بدوامك ومثلهم الظهر بعز الصيف وانتي بدوامك مرتاحإ ومريحه عيالك وجسدك وبتقدرين تبدعين بمدرستك وخلي ابو الشباب زوجك هو اللي يضغط على نفسه شوي ويداوم من الخرج والله هم الرجال اسهل مننا شخص واحد وسيارته معه ولاهم عيال ولاشي مته ما بغئ شغل السياره ومشئ حتئ لوصار له ظروف واستأذن يقدر يمشي اما انتي لو صارلك ظرف في الدوام ماتقدرين مرتبطه بسواق وبنات معك والمشاكل كثير حاولوا تفكرون زين وكل وحده تقنع زوجها وتحط قدامه المشاكل كلها بالملام الزين وربي من تجربه الكلام اللي قلته ومختصره فيه واجد بس من محبتي والله لكم قلت شوري ومن حق المسلم على المسلم الشور والنصيحه وكلنا في هذا القروب والله الشاهد خوات ودربنا واحد وكل وحده تتمنئ الخير للثانيه وترى رايي ياخواتي من واقع تجربه للي 8 سنوات بالخرج واهلي بالرياض واهل زوجي ولا ارتحنا الا يوم سكنا هناك وهذا مجرد رأي وسامحوني وكل وحده عقلها في راسها وتعرف خلاصها موفقأت يا احلئ خووووات

الله يجزاك خير نونه ويوفقك ويسخر لك

بس النقل للخرج مادري احس ودي ولاودي

أنا ماحب التغيير روتينية شوي

ومرتبطة بمدارس عيالي

طيب يسألك وشً افضل مدرسة للبنات أهلية

وهل في مدرسة عالمية للأولاد انترناشيونال

انتظر ردك

انا بعد مع الاخت نونه بس بغيت اسئل عن الايجارات كم تقريبا الدور كامل اوالشقه