أخوي يبي يتزوج تعالوا شووفو امي ايش تسوي=((

اولاً فيه وحدة تقول شكل اخوك مو حمل مسؤلية بالعكس الي واضح انه يشيل المسؤلية وكفوو والدليل
اخته ماخذة منه في هذا الشيء وجات تفكر لحل لاخوها لو غيرها قالت انا وش دخلني اهم شي انا اتزوج
ثاني شي خلاص انتي طلعي امك من السالفة وروحي قولي لاخوك انت جاهز وكيذا يعني اروح ادور لك وانا متأكدة
والحل يعتمد على جوابه هوو الله يسعدكم ويهنيكم إن شاءالله ويهدي امك ويوجهها للصواب امك خايفة من الي جاي
من مرة اخوك وكيذا انتوا طمنوها وقولي: لن يصيبنا إلا ماكتبه الله لنا . وحاولي لاتخلين احدد يعلمها عن قصة الكنات وكيذا تلقين محد مخوفها غير القصص الي نسمع منها هاليومين وبالتوفيق إن شاء الله

الزواج تكاليييييف لاتحسبينه بالهين واذا ابوك ماراح يساعد اخوك وامك ماتقدرون توفرون المبالغ اقل شي 200000 بين المهر والقاعه وتجهيز الؤواج والضيافه والبيت والاثاث اقنعوا اخوك يجمع فلوس وبعدين يشوف الزواج وليه ماتدورين له من بنات جماعتكم احسن لامك يطمأأن قلبها

ياعزيزتي امك الي تسويه عين العقل هالرجال تجيهم شوشه عرس ولا يفكرون بالمسؤليه خلي يجمع له كم قرش ويكون نفسه

الزواج مهب خذني جيتك وبنات تالي ماعاد يقنعهم شي عشان كذا امك قالت تبي موظفه

اا احس عمره توه خلي يجمع ويفتح له مشروع ولاتجيبين له طاري قرض والا ماقرضت ناقص ديون وهموم وهو فهالعمر خلي يصبر

ويجمع ويكون نفسه وعقب يتزوج على الاقل يصير عمرة 27 احس افضل شي لين يصير فاهم وراسي

انتي توك صغيره وماتعرفين مشاكل وغثى الزواج والديون الله يرزقه ويكبر حظه وحظك

انصحك ما تتدخلين
اظن امك خايفة من المصاريف وشايفه اخوك حاليا ما يقدر يدبرها
وكون ابوك منفصل عنكم فاظن امك خايفة من المواجهة مع ابوك وطلب المساعدة منه

واللي يأكد كون امك خايفة من المسئولية المادية هو اشتراط العروسة تكون موظفة لأن شايفة اخوك لوحده ما بيقدر يتحمل

الموضوع اكبر من ما تتخيلين
ما يكفي الرجال يكون موظف وخلاص!
السالفة فيها بيت واسرة واطفال جايين بالطريق. من وين يدبر كل هذا ؟؟

وبصراحة 24 يعتبر صغير !

ما عليك من فلان تزوج وفلان خطب. كل بيت ظروفه غير الثانيين

ودامك صغيرة ولا تعرفين خبايا الامور انصحك ما تتدخلين بين اخوك وامه نصيحة

الله يهديها امك ومسكينة مابيدهاحيله ووودها تفرح بس مو عارفة كيف وتبغى تساعده بشي بسيط

بقولك يالغلا خلي اخوك يومكذا يتقهوى عند ابوك ويسلم عليه ويقوله يابوي ودي اكمل نصف ديني واستر علي من الحرام

ابغى اتزوج وتساعدني بالخطوبة وسبحان الله ربي يسهلهله ويسخرله ان شاءالله