ممكن احد يفهمني لاني لي فتره بعيده عن المجتمعات الحريميه وفي شي محيرني كثير

هذا الله يسلمكم انا عندي دراسه قطعتني عن الناس في السعوديه
وبالرغم اني في امريكا بس ماتطبعت زيهم لسا اغار علا زوجي المصون الله يصلحه لي يارب
المهم اكتشفت انه الحريم صار فري مع ازواجهم في السعوديه يعني الوحده توريه صور ممثلات وبكامل زينتهم
لا والحريم اللي اعرفهم مش اغبيا يعني تقدرون تقولون مصايب

بس ودي افهم ليش
يعني تبغا تكسبه
والا انه شوفني انا واثقه بنفسي
والا انا متطوره
والا يشوف عندها عشان مايروح برا يشوف
اخترت وربي
وعندي مشكله مع ابو الشباب لاني حسيته عجبه الموضوع وصار يبغا يخليه بيننا فري اقصد انه يشوف صور الحريم بالشكل الانفتاحي هذا طبعا ما يحتاج يشوف علا الطبيعه وعلا النت وبكل مكان بس انه يجي هو يرسل لي شي فيه صور حريم اول مره يسويها وطبعا صارت سالفه خلته يعرف انه صاروا الحريم كذا مع ازواجهم طبعا من اخواته
هنا عقلي انلحس ومادري كيف اتصرف انا محافظه نوعا ما وما احب الانحلال بيننا
بس هر يعتبر اللي يسوونه اهله صح دايم
بس قلت اشوف وش السالفه هل هم صح والوضع تغير وصار عادي والا هم بس حركات شيطانيه وحموات
علا العموم انا نفسا ما عجبني بس ااذا عادي علا اقل يخف علي وطآه الموضوع
وسلامتكم يارب
ولاتحرموني من ردودكم مالي غيركم بعد الله
انا ماسويت اي رده فعل لاني مادري كيف الوضع صار عندكم

34 تعليق 4,014 مشاهدة

شاركي في النقاش

سجلي الدخول لإضافة تعليق.

التعليقات

34
  1. @otn_la_ynthy

    لا يا ختي مو صح هم على خطأ
    تدرين ليش لانه ما يجوز يناظر اي مرأه مو محرم له
    اللحين ما يجوز المرأه تصف لزوجها المرأه كيف بالله توريه الصورة
    والمساله مو مسالة تفتح وما ادري ايش اللي طايحين فيها الناس انه كلشي فري
    لا حرام هذي مساله دينيه
    )والله سبحانه وتعالى امر بغض النظر
    واللي بتقول تفتح لا والله عمر ما كان عصيان الرب تفتح بل هو عين التخلف
  2. @kbtshynoa

    حلا الكراميل
    هذا تخلف مو تطور و فري !! انتي حافظي على زوجك وحاولي تصرفين زوجك عن هاذي الاشياء
    نفس المسأله ونفس القهر بس انا مخالطه الناس وهم فعلا يشوفون ان هذا من التطور ويقولون اننا شايفين شايفين وانا ودي امسك المجتمع وانظف افكاره يعني اذا بغينا نتطور لازم نصير مثل الكفار وتروح عنا غيرة المسلم
  3. @quranlover

    صاحبة الموضوع
    انا اعرف انه غلط وهذي مشكلتي معاهم من اول الزواج يبغوني اصيرفري ومنحله الاخلاق بس انا رافضه بالرغم اني الوحيده فيهم عايشه لي سنين برا
    وهم يعتبروني متخلفه و معقده
    المهم اني الحين استغربت انه قدام ازواجهم من اول كان بيننا عادي كلام الحين صار افعال
    يبغون يورون اخوهم انه في حلوات في العالم لا تفرح بزوجتك
    انا ودي اوضح انه الشي ذا مقتنعه فيه وانه ماني منحله زي غيري بس بيني وبينكم لي سنين بعيده عنهم وماني عارفه كيف المجتمع صاير
    وكيف اقنعه بدون مشاكل انه مو عشانهم سووه معناته صح
    حسبي الله عليهم
    الله يجعل تدبيرهم تدمير لهم قولوا امين

تابعي تجارب أخرى من هذا القسم.