كدرت علي وتعبت نفسيتي

السلام عليكم. اخوات انا الحمد لله من دخول رمضان وانا نفسيتي مرتاحه وادعي ربي وحاسه ان ربي بيعطيني ما اتمنى واكثر يعني نفسيتي تغيرت مائه وثمانين درجه الى ان سيرة علينا وحده. مايحاج اصرح من تكون. وانا ما كنت احب الزيارات في رمضان فقلت نتحمل عشان خاطر الوالده المهم هليت ورحبت في الحرمه واكرمناها احسن اكرام وفجئه فتحو سيرة وحده عمرها زي عمري 32 قالو انها تملكت. انا وامي جداً فرحنا قالو انها بتاخذ رجال كبير في السن. المهم الحرمه هذي. جلست. تتكلم وتلقي محاظره. وتقول. الكل فرح لها مسكينه اختها الي اصغر منها تزوجت واخوها والكل تزوج الا هي. والفلان عندهم بنات كبار. والعلان. عندهم بنت كبيره. المهم. قالت امي البنت الي تملكت. زي عمر بنتي ظلع. قالت عارفه بس هي رضت بهذا الرجال المفروض. الوحده ما تتشرط وترد النصيب. احسنها كنها توجه الكلام لي. يعني اسمعي ياجاره وهي عارفه اني مارديت نصيب. بس مجرد. حريم يجون ويتفرجون ويروحون. المهم وهي. مستمره في الحكي الي ماله داعي. المفروض تراعي نفسيتي. وبعدين كلامهم. عن البنت كنهم يتكلمون عن. ام 60 سنه وقولتها البنات كثرو في البيوت وما الى ذالك كنها هي المدبر. او المسئول. قسم بلله انها قهرتني. وكرهتها وكرهت الساعه الي شفتها احسها فتحت لي المواجع ما ادري وش تبيني اسوي. هل ارضى بشايب او احرج على نفسي او انتحر او ايش لا والي قهرني اكثر. انهم. اي اقاربنا. ينظرون. للي تتزوج في هذا العمر. حتى لو اخذت شايب. تعتبر. معجزه. وكثير. عليها بعد. والله يا بنات ان نفسيتي. انقلبت للاسواء

33 تعليق 5,338 مشاهدة

شاركي في النقاش

سجلي الدخول لإضافة تعليق.

التعليقات

33
  1. @aloan_alroh

    لا تتضايقين ولا تكدرين خاطرك نصيبك راح يجيك ان شاءلله

    الله يرزقك بزوج الصالح التقي الغني الي ينسيك كل هذا الهم ياااارب :26::26::26:
  2. لا ياحبيبتي
    لا تكدري على خاطرك ولا شي
    من حقك تعيشي العيشه اللي تتمنيها
    ارفضي الشايب وبقوة
    عشان ماتندمي العمر كله
    انا اكبر منك ب5 سنوات
    ورفضت المتزوجين الشباب
    واحنا مالنا الا المعروض
    اذا ما جاك ماتتمنين
    الله يعوضنا حبيبتي في الآخرة ان شاء الله
    نفسي غاليه علي
    وماراح ارخصها ولا أظلمها عشان الناس تسكت
    لانها ماحتسكت
    لكن انتي سكتيها ويرتاح بالك
  3. @saarh_15

    اختي الغاليه ... ضلع .. اكثري من قول سبحان الله وبحمده وسوف يرضيك الله .. ولاتفكري بكلام احد .. فكري وتدبري كلام الله

    ( ولقد نعلم انك يضيق صدرك بما يقولون ...) ولكن الله امر نبيه بالتسبيح

    اكثري من ترديد دعاء الكرب

    سترين الفرج باذن الله .. حسبي الله ونعم الوكيل تكفيك
  4. @klb_mnksr

    ماعليك منها
    أنتي خليك واثقه ومتفائله وتوقعي الأفضل
    لاتكتئبين شوفي هي قالت الكلام ومشيت لبيتها وأنتي لسا تفكري وتقولي خرب نفسيتي
    نصيحه أبعدي عن الهم وفوضي أمرك لله مع العمل بالأسباب

تابعي تجارب أخرى من هذا القسم.