شاركي في النقاش

سجلي الدخول لإضافة تعليق.

التعليقات

81
  1. @fdoook

    بما انها مو كبيره
    اشتري لها هديه
    واكتبي لها رسااااااااااااله
    تعبر فيها عن حبك والمك
    وعادة الام اللي تربي عيالها بلحالها
    يعني بدون وجود الاب او مساعدته
    تنهاااااااار نفسيا
    حرارتها وعصبيتها ناتجه عن علاقتها مع ابيك
    تخيلي
    امك في مشكله عمييييييييقه ومؤلمه
    وموعارفه تقول لكم ولا تعبر لكم عن المها وتعبها
    الا بهذه الطريقه
    انت اذا هزءتك وسبتك وووو
    قولي لها اذا هالكلام يريحك من تعبك قولللليه
    انا فدوه لش
    خلك حنووووووووووونه عليها
    يمكن محد رحمها في هالدنيا مثل اغلب امهاتنا
    زواج وهي صغيييييييره ومطالبات مالها حدووووود
    من الزوج واهله والمجتمع
    وحملت الهم بكييييييييييير
    امك تعاني التعب والالم لوحدها
    مومشكله اذا تحملتي كلمتين من امك تنفس فيه عن الضغوط اللي عليها
    الله يرحمها ويرحمكم لرحمتكم بها
  2. @suadooo

    ..

    أختتتي لآيفوتجج هالفيديو وربـي نظرتجج بتتغير تماما عن "البر"


    فيديو YouTube
    كيف تتتعامل مع الله أذا فقدت حنـأن والديـك ..
    فعآـأ حلقة مؤثرة ومفيـدههه ..
  3. @alhnon_83

    السلام عليكم اخواتي مبارك عليكم الشهر
    شوفي حبيبتي اقدر اقول اني افهم وضعك لاني عايشته فترة معينه
    بس ابيك بعد تتفهمي الاسباب اللي تخليها تعاملكم كذا
    اولا هي تربيتها غير عنكم وانتي تعرفي عادات المجتمع قسوة ومافي حنان
    واكيد تزوجت صغيرة ويمكن عانت مع ابوك فعشان كذا تطلع حرتها فيكم
    وغير كذا الفرص اللي حصلتوها من رفاهيه اودراسه هي ما توفرت لها
    فيمكن تشوفكم جيل دلوع لقى كل شي بسهولة
    ويكمن مثل ما قالو الاخوات انها تبي تشغلكم عشان ما تبيكم تفكرو باشياء ثانيه
    ويمكن هذي اثار الكبر
    ليش ربي وصانا بالواليدن لما يكبرو مو بشبابهم
    لان اخلاقهم تصير صعبه جدا وعقلهم يصغر
    تخيلي الوالده الله يرحمها ويغفر لها تلعني وتدعي علي حتى لو كبيت كاسه مويه بالغلط وانا يمكن عمري10 سنوات او اقل
    تقول انتي سويتي كذا عشان تقهريني
    وكبرت على هالموال كل يوم صراخ وتهزيء ومعايرة
    حتى لما بلغت هاوشتنيّ!عقبها خلاص صار في جدار بيني وبينها
    ولما تعبت نفسيتي مرة واكتئبت وصرت اتمنى اموت واكثر شئ يكسرني الدعاوي
    سألت وحده قلت لها هل ربي يستجيب دعاها حتى لو ما غلطت؟
    ردت علي ان شاء الله لا لانه هو يعرف نيتك
    هي الله يرحمها فيها كآبه شديده عذبتها مرت ابوها وجدي دايم يطقها
    وابوي وخوالي تخلو عنها وماتو كل اخواني فتحملت مسؤوليتي لحالها
    فما في احد تطلع حرتها فيه غيري
    بس مع كذا احبها واتحسف كل يوم يمر علي بدونها
    وادايم كنت ادعي يارب اموت قبلها لاني ما اقدر اعيش بدونها بس هي تقدر وهذاني تبهدلت وصرت زي الجدار الواطي بعدها الكل واقرب الناس يهيني ويجرح كرامتي مافي احد يدافع عني
    لا تقولي ما راح نزعل عليها لو ماتت!!! استغفري ربك
    صح تكون اغلب الوقت معصبه بس اذا ما رديت عليها او او حبيت راسها تنبسط واخر 5 سنوات من حياتها صرنا صديقات ونسولف مع بعض
    جربو تخلصو شغل البيت وتسألها عن طفولتها وايام زمان ترى الكبار يحبون هالسوالف
    ولا تقارني امك باي احد صدقيني بتتعبين
    كل انسان له طبيعته اكيد قريتي عن الانماط
    واتوقع امك شرقيه زي امي
    لانهم شديدين وجديين شوي ودقيقين وما يحبون الغلط
    يمكن تبيكم ربات بيوت سنعات عشان الناس تمدح في تربيتها لكم
    حاولي تسوين جدول بالاتفاق مع خواتك والشغاله
    يعني السبت مثلا غسيل الاحد كوي
    وحاولي تسوين شغلك بدون ما تطلبه هذا شي كان يفرح امي كثير
    فاجإيها يوم انتي وخواتك جيبولها خاتم ذهب من مكافأة الجامعه اكثر شي يبسط امي ان اسلمها راتبي كامل وهي تعطيني المصروف يعني ابي احسسها ان هي الكل بالكل
    احتمال اخير واتمنى ما تزعلي
    يمكن يكون فيها مرض روحي
    لاني اعرف وحده الله يشفيها تحب تفتن بين عيالها واذا شافتهم يطاقو تنسحب
    فيارب يعينك على برها ويطول عمرها ويرحم امي وابوي ويوسع لهم في قبورهم وجميع موتى المسلمين

    انا الحين صرت متأثرة بطباع امي واقسي احيانا على ولدي مع انه صغير عمره سنه وشهر هو دلوع وصياح الله يهديه وانا متعودة على الهدوء لكني احاول اضبط اعصابي عشان ما يكبر وشخصيته مهزوزة مثلي
    واي سؤال انا بالخدمه
  4. @asdaaa_roh

    يارب ياحي يا قيوم ياذا الجلا والاكرم اسالك باسمك الاعظم الذي اذا دعيت به اجبت واذا سالت به اعطيت ان ترزقها ولا تحرمها بر والدتها والاخلاص في برها والصبر عليه

تابعي تجارب أخرى من هذا القسم.