شاركي في النقاش

سجلي الدخول لإضافة تعليق.

التعليقات

27

  1. @sfyn_alhryh

    انا كنت افكر مثلك :: وتقريبا الى الان بس ماعدت مقتنعه ومتمسكه براي زي قبل ..

    كنت احزن واجد لما اسمع ان فلان تزوج على زوجته << رغم انه حلال .. بس لو اني مكانها وش راح يصير لي
    يمكن انجلط ::

    كنت اتالم واجد لما اسمع ان زوج ضرب زوجته وظلمها او حرمها من راتبها ... << رغم ان في اباء كذا

    واكره مابدنيتي اذا سمعتهم يقولوا فلانه زوجها مطلقها واخذ عيالها << خير سلامات وبأي حق ..

    //// لكن مع الوقت ولما تزوجوا اخواتي اللي اكبر مني .. وسكرت اذوني عن حكي بعض الناس السلبيه ///

    عرفت ان الزواج حلو × اومر ,,,

    يفرح لدرجة الدموع × اويحزن لدرجة البكاء ,,,

    وناسه وخرجات سعة صدر × او كآبه وضيقه وغم ,,,

    وبالاول والاخير يعتمد على اختيارك وطريقة تعاملك انتي .... صح ممكن يكون بالبدايه شوي صعب لحد ما يتأقلم كل واحد على الثاني ..

    ولكن يبقى لك تاثير كبير على زوجك :: وحاولي يكون ايجابي ,, << ولاحد يقول مستحيل ,,

    اختي ماشاء الله عليها زوجها كان مطرب اغاني ووالله كان عنده عود يعزف عليه وانا شفته لاني وانا صغيره لما
    كنا نروح لبيت اخوه :: اللي هو ماخذ من الملحق غرفه منه :: وكنت بعد ادقدق عليه << وماكنت اعرف انه حرااااام ..و سيارته مليانه اشرطة ,,,

    والان بفضل الله لا يسمع اغاني ولا يستمتع فيها وبدل اشرطة الاغاني باناشيد اسلاميه ///

    واللي ادهشني بـــــجـــــد وبكل صراحه اخوي كان قبل زواجه حده يودينا السوق عشان نقضي وبس وفي غرفته يا مذاكره او مشاوير يقضيها لابوي او على مجلات السيارااااات ؛؛ شي مو طبيعي ؛؛

    المهم بعد زواجه يعرض علينا نروح نتمشى باسواق ونتعشى فيها وابو الفله ...

    ووحده اعرفها تزوجت وطلع زوجها (( مدمن )) << ايه والله مدمن مخدرات وانا عايشت قصتها معاها <<<<< وللامانه كانت قصتها من اقوى الدوافع ان ارفض فكرة الزواج كليا ,,
    وبعد مشاكل بين الطرفين وانفصال بسيط تعالج الرجال من الادمان والان تحاول معاه على ترك التدخين ,,

    وبعد هالقصة غيرت رأي وبعد كلام البنات هنا بالمنتدى واللي يتمنوا الزواج ومو بس هنا بالموضوع في مواضيع ثانيه كثيره,,, << كثيره قصصهم وكبيره معاناتهم ,,, الله ييسر لهم الزوج الصالح الذي يتمنونه .. عاجلا غير آجلا ..

    الان // وجهة نظري اختلفت وطريقة تفكيري اختلف ورأي تغير عن قبل ..
    واقوله مقتنعه فيه //

    اول ماحد يتقدم لي بكلم ابوي واخواني يسألون عن دينه وصلاته واخلاقه .. << ويفضل انه مو مدخن ..
    << اذا توفرت هذه الشروط بعدها راح استشير ومن ثم استخير .. واهم شي الرضاء بالقضاء والقدر ..


    ؛؛ لاتنسوني بدعوه صادقه في ظهر الغيب " بأن ييسر لي ربي كل ماهو خير لي في ديني ودنياي وعاقبة امري " ؛؛

تابعي تجارب أخرى من هذا القسم.