السلام عليكم ورحمه الله وبركاته
كيف حالكم يتااخواتي
ابي استفسر واسأل وبنفس الوقت أبغى حل لمشكلتي:44:
الله يسلمكم أنا سافرت قبل رمضان للعمره والحمد لله
رجعت لبيتي ولقيت الكهرباء مقطوعة والفريزرات الله لايوريكم خايسه :44:
حتى البيت رائحته تجيب المرض :icon36:
المهم أنا أبغى مساعدتكم لي كيف ازيل رائحه العفن والخياس من الفريزر الان له ثلاث اسابيع والريحه مازالت موجوده ماقدرت افرزن ولا اثلج مويه ولا أحط اي شي لأنها تكسب وتسحب الريحه
اللي عندها معرفه تساعدني تراني ماخليت ولا شي الا حطيته جميع المنظفات والفحم والعويدي
تعبت تعبت وكرهت الثلاجة والفريزرات :44:
شاركي في النقاش
سجلي الدخول لإضافة تعليق.
التعليقات
9- امسحيها ببيكربونات الصوديوم..
وركزي ع الزوايا ولو فيه شبوك .،
وحطي شوي بصحن وسكري باب الثلاجة.. - طفيهم ونظيفيهم زين بكلوركس وديتول وبيكربونات الصوديوم وخليها مفتوحه تنشف
بعدين بخريها بالمستكه زين وكم مره
وشغليهن ووزعي فيهن فحم وانثري فانيلا وبيكربونات الصوديوم
بتخف الريحه ماراح تروح وبتقعد فتره بس خليهن مشغلات واستخدميهن وفتره وتروح - عن تجربة تعرفين عطر الليمون ًًً قديم معروف من زمان ًًً ما عندي الحين ولا كنت صورته لك خذي منشفة نظيفة وبخي ومسحي لو قارورتين ثلاثة مو مشكلة المهم مسحيه زييييين وخلي باب الثلاجة يومين مفتوح ولا تنسي تقولي لي ع النتائج
اللي عندها العطر تحط لنا صورته تكرما - مشكورين على الردود ان شاء الله باجرب بكربونات الصوديوم
طيب هل العطر اللي تقولين هو الكلونيا القديم اللي يستعمل عند المغاسل؟
أنا مشكلتي الثلاجة التبريد ماعليها بس العله بالفريزر الريحه مازالت حتى التمر لو باثلجه يكسب ريحه - الفحم
الليمون وقشوره
البيكربونات
واهم شي مسحي بالخل يقطع الروائح والعفن
مواضيع مشابهة
تابعي تجارب أخرى من هذا القسم.