بنات ابغى احتضن طفل من الدار بس خايفه

السلام عليكم
تقبل الله منا ومنكم صيامكم وقيامكم    
بدخل بالموضوع على طول
انا لي متزوجه 5 سنوات وكنت متزوجه من قبل وظليت معه 5 سنوات يعني مجموع انتظاري وشغفي لاكون ام هي 10 سنوات 
اللهم لا اعتراض والحمد لله على كل حال
زوجي سليم لكن انا اعاني من ضعف التبويض وتعبت من العلاج وقررت احتضن طفل من الدار وراح ابدا في الاجراءات بعد العيد ان شاء الله  اهلي معارضين يقولون لي اصبري يمكن الله يرزقك واهله نفس الشي معارضين بس انا وزوجي مقتتعين بالفكره وللعلم زوجي عنده عيال من زوجته الاولى 
بس انا خايفه من المستقبل كيف بقوله اني مش امه ؟؟؟؟ 
مدري شسوي والله ذبحتني الحيره وساعات افكر اني اكنسل الموضوع بسبة هالشي ولا عندي احد اشاوره لاني كل مافتحت الموضوع مع احد قام يعاتبني ويقولون لي اني يأست من رحمتة ربي  
انا والله مايأست وجالسه ادعوا ربي ليل نهار وانا متأكده انه بيرزقني بيوم من الايام بس شسوي والله العاطفه بتقطعني 
شوروا علي الله يخليكم ويرزقكم من حيث لا تحتسبون