اخر مره احرجك فيه زوجك((بكل صراحه ))

مره كنت العب مع زوجي العاب زوجيه لعبة الشكولاته وجاء دوري وطلع لي اهتمي بنظافتك الشخصيه من ضمن الاوراق خخخخخ ضحك عليه ضحك وقال انتي حتى في الرمنسيه مالك نصيب الي افتكره ليلتها جلست ابكي على حظي هههههههههه

امس يسولف لي عن موقف صار له قمت ضحكت بصوت عالي قال هذي ضحكه ولا رنه جوال حسبته جوالي دق <<<<<<<<خخخخخخخ 

مرة صار لي موقف محرج ماراح انسااه ماحييت

طلعنا في رمضان الماضي نسوي عمره المهم سويناها الحمدلله وخلصنا ودحين بنرجع لسيارتنا وقفناها بمكان بعيد ولازم نركب سيارة خاصة عشان نوصلها المهم استنينا في المواقف كثير ومالقينا سيارة خاصة المهم فجأة زوجي يجري ويقول الحقيني بسرعة انا من الفجعة صرت اجري وراه جري يضحك كأني شغالة شارده من كفيلها حسبي الله على العدو طلع الاخ بيلحق باص خط البلدة اتخيلو وانا ماادري المهم هو سبقني وركب وانا اول ماوصلت وقفت و فتحت فمي وتعرفو الباص دا مايستنى احد على طول يمشي المهم زوجي نزل راسه ويقول اركبي اركبي بسرعة بعدها استوعبت ورحت بركب من قدام محل الرجال ققلي لاااا من هناك من هناك واروح اجري اية باب اركب منه الين لقيته وطلعت اول خطوة ويقوم السواق يقفل الباب علي يعني نصي جوا والنص الثاني برا ااااااه يارب من الاحراج والناس في الباص يقولو للسواق استنى الحرمة الحرمة وادف الباب وادخل واطيح في الدرج قدامهم وفي رجال يقول يالطيف ياساتر بشويش يابنتي وانا والله وقتها حسيت بدوخة واستفراغ من اللي صارلي من جد اتهزأت وفعدت في الدرج لأن الناس فوق بعضها استغفر الله وفي حرمه جزاها الله خير شافتلي مكان وجلستني وطول الطريق وانا ابكي من القهر وحاقدة عليه ولما وصلنا فشيت غلي فيه قلت له على اخر عمري تركبني باص خط البلدة ليييييييييش وابربر وهو ميت ضحك0000
اقسم بالله ميته ضحكه الله يسعدك يارب

الله يعينككم

هههههههه انا قالي عنيده بأسبوع الزواج