مرض اللثه الله يغفر لكل وحده ترد علي ويرزقها الجنه

السلام عليكم ورحمة الله وبركاته


بنات انا اسناني فيها مرض اللثه

ان اللثه تنزل لي تحت ويبين جذر السن يعني كل مالها وتنزل اللثه

رحت لدكتور قبل وسويت عملية قص لثه قالي اللثه اهي السبب قاعده تشد اللثه لي تحت وينكشف السن

عقبها بسنه رحتله قلتله اللثه قاعده تنزل والاسنان قاعده تنكشف قالي لثتج ضعيفه ومافي علاج لها

اهتمي بس بتنظيف الاسنان بالمعجون والخيط

قلتله شلون مافي علاج قالي لا

وانا خايفه شلون مافي علاج واسناني من الشاي بسرعه تتصبغ


بنات منو مثلي وعالجت ؟

انا موكله لامري لله ادعيه يشفيني

بنات اللي ماتعرف خل ترفع الموضوع

21 تعليق 55,322 مشاهدة

شاركي في النقاش

سجلي الدخول لإضافة تعليق.

التعليقات

21
  1. @almas_0

    جربي تمضمضي بالخلطه هذي اطبخي ماء وحطي معاه ملح خشن وخليه يطبخ دقيقتين وخليه يبرد شوي وحطي معاه مره واذا ذابت المره تمضمضي كل ساعتين والباقي حطيه بالثلاجه واستمري عليه واشربي مره تري اختي مافادها الا هالخلطه والله يشفيك ان شاء الله
  2. @bent_kuwait

    صاحبة الموضوع
    مشكوره اختي الماس بس اختج نفسي فيها انكشاف الجذر ؟

    لان اللي اعرفه الملح لالتهاب اللثه مو للثه اللي تنزل وتنكشف

    واخاف الملح يكون قوي عليها
  3. @kl_alaml_bnty

    انا كمان اعرف انه مالها علاج نهائي
    بس مرت علي فترة اخذت كورتيزون ولاحظت ان لثتي تحسنت بشكل كبييييير جدا جدا

    انتبهي بالمراحل المتقدمة للمرض ممكن الاسنان تتحرك من مكانها او تطيح
  4. @bent_kuwait

    صاحبة الموضوع
    مشكورة كل الامل

    الله يستر حسبي الله ونعم الوكيل

    مافي علاج بالاعشاب

تابعي تجارب أخرى من هذا القسم.