الصراحة راحة..... وانت السبب في عدم نجاح الخلطة!

نسمة عطر لأحلى بشر.... لأروع من عرفتهم.... لقوارير عالم حواء

ألاحظ من قرائتي المستمرة للمواضيع سواء للبشرة أو الشعر أن بعض البنات تنجح معاهم الخلطة والبعض الآخر لا...
يا ترى شو السبب؟ أو ..... شو الأسباب؟
بالطبع كل جسم له طبيعته الخاصة فيه اللي تتقبل بعض الخلطات أو ترفض البعض الآخر منها
لكن مب هذا موضوعي
موضوعي يا عزيزاتي... أن العزيمة معدومة عند الكثير من البنات... تستخدم الخلطة يومين ...أسبوع بالكثير... و... تعلن فشل الخلطة... لا تنسون يا بنات ان معظم الخلطات المكتوبة في المنتدى طبيعية ..يعني محتاجة أقل شيء شهر عشان تبين النتيجة..
خلي لنفسج جدول وعزمي عليه... أما أنج اتجربين كل الخلطات اللي تقرين عنها وحدة ورا الثانية فهذي اكبر غلطة ترتكبينها في حق نفسج لان جيه كل خلطة ما عطيتيها حقها في انها تغير جزء ولو بسيط في جسمج.. ...

سبب آخر... فيه بنات يستخدمن الخلطات مع عدم ثقتهن فيها... المفروض قبل لا نخلي أي خلطة نقول:
بسم الله الذي لا يضر مع أسمه شيء في الأرض ولا في السماء
مع دعاء بسيط أن الله يوفقج في هذه الخلطة ويجنبج شرها.... وتدعين لخواتج في المنتدى بأن الله يساعدهم ...مع الدعاء كذلك لصاحبة الخلطة ....
وإذا كنت متزوجة خلي نيتج بأنج تريدين تصيرين أحلى في نظر زوجج عشان تسعدينه

واللي ما عندها وقت تسوي خلطات بشكل مستمر... فالافضل انها تختار جزء معين من جسمها مثل الرقبة أو الوجه أو الركب مثلا... وتركز بالخلطة عليها عشان تلقى نتيجة وهذه الطريقة للي ما عندها وقت تسوي خلطات حق جسمها كله مرة وحدة....

و نصيحة مني...خذوا لنفسكم يوم اجازة أو يومين في الاسبوع عشان ما تملون... وفي نفس الوقت تشتاقون للخلطات...

صدقوني يا بنات ما كتبت هالموضوع الا عشان هدف واحد.... اني اساعدكم واوضح لكم بعض الاسباب في عدم نجاح الخلطات عند بعض البنات................وان كان كلامي مكرر... فاعذروني.........

15 تعليق 1,263 مشاهدة

شاركي في النقاش

سجلي الدخول لإضافة تعليق.

التعليقات

15
  1. @kmr_alrbyaa

    صادقه والله المشكله مافي عزيمه وبنات كثير بسرررررررررررعه يملوا ويبغوا نتائج سريعه
    وإللي يجي بسرعه يروح بسرعه
    أهم شي العزيمه
    ومشكوره على التنبيه
  2. والله كلامك ميه ميه
    وانا الحين معطلة صارلي اسبوع بديت اهتم بنفسي وإن شاء الله اني استمر وتستمرون انتم بعد
  3. @alhmb

    قمر الربيع
    صادقه والله المشكله مافي عزيمه وبنات كثير بسرررررررررررعه يملوا ويبغوا نتائج سريعه وإللي يجي بسرعه يروح بسرعه أهم شي العزيمه ومشكوره على التنبيه
    والله صاجة يا اختي
    احنا مانستمر عالشي ونتملل بسرعه ونقول الخلطه ما اضبطت ولا احنا الي مو مضبوطين
    نبي الشي زاهب وبسرعه وماكو شي ايي بسهوله لازم شويت تعب

    ومشكوووره ياعسل عالموضوع :42:

تابعي تجارب أخرى من هذا القسم.