السلام عليكم ورحمة الله وبركاته
اخواتي الغاليات يعلم الله اني احبكم في الله وعمري مانسيتكم
ودائما ادعي لكم مع الغاليه ام الاشبال وبنات ملفنا الطيبات ا
انا اذا تتذكروني كنت معاكم من سنه ونص مع ام معتز وحنين
سعوديه حنونه وسدره واسماء كثيرة اخاف انسى احد
طبعا حملت معاكم بكل الوسائل اللي مذكوره في الملف
متابعه مع دكتوره وحبوب وادويه بس ما اراد الله لهذا الحمل يستمر
واجهضت على شهرين طبعا تأزمت نفسيتي والحمد لله كنت ادعي الله
وابكي بعوضني ويرزق اخواتي في هذا الملف يعلم الله مانسيتكم
والحمد لله بفضل الله وحده حملت من غير ما اسوي ولا حاجه من
من الاشياء اللي كنت اسويها قبل الاجهاض نسيت اذكر ان بعد الاجهاض
صار عندي تكيسات وماصارت الدوره تنزل الا بحبوب تخيلوا
والدكتوره قالت لي انتي لازمك علاجات وأبر ياما علشان تإدري
تحملي طبعا مانسيت كلمتها لان كانت بويضاتي في اليوم 18توصل 8
تخيلو وماتنزل الدوره حتى استعمل حبوب كل شهر العام زي الوقت هذا
ماجاتني الدوره نزلت اوساخ اكرمكم الله وماقدرت اصوم ولا اصلي
وجلست ابكي وجاني اكتئاب رحت اخذت حبوب والحمد لله طهرت في 16رمضان
اصعب ايام مرت عليه الحمد لله رب العالمين الله يجعلها تكفير للذنوب
المهم اني جايه ابشركم ان ربي عوضني ور زقني ماشاء الله تبارك الله
بولد صارلي ثلاثه اسابيع والحمد لله على عطاياه
لاتيأسون من رحمة الله وكرمه ادعوة وتوسلوا له والله والله ان الجماع
كان شبه يومي اذا ماكان يوم بعد يوم وانا قلت لكم كان عندي مشاكل
وزوجي كان تعبان ويأخذ مسكنات وعلاجات ومضادات بس إرادة الله
فوق كل شيء
اللي ابغى اقولكم لا تتعلقون كثير بالاسباب واذا ماسويتي شيء لا تزعلين وتظنين انه رح يجيك بنت لانك ماسويتي كذا كل شيء بإرادة رب
العالمين ورزقك مكتوب سواء ولد او بنت وماتدرين وين الله كاتب لك الخيره
وفي النهايه حبيت ابارك لكم بالعشر الاواخر والله يتقبل طاعاتكم وعباداتكم ويبلغكم ليلة القدر
ويرزقنا وانتم مغفرته ورضاه
ملف العمل بالاسباب لانجاب الاشبال^^^ملف الامل والتفاؤل^^
متابعة النقاش، صفحة 182