أفضل عيادة عيون للتشطيب >> بنات الرياض

عيادات الحرس >د/ الحواس د/ الدباسي
عالم العيون
الحكماء
ابن رشد

عيادة الحرس الوطني يسوونها إذا كان زوجك أو أبوك عسكري بنص السعر تقريبا 4ألاف
وإذا كبار ضباط أو عندك أحد مجانا ..

أنا سويتها بالحرس بالرياض طبعا
و تكلفه العمليه 5800 ريال شامل الفحوصات قبل العمليه
عند الدكتور عبدالعزيز الحواس
وكانت نااااااجحه ولله الحمد

الله يجزاكم خير يعني الأغلبيه يشجع عيادات الحرس
طيب اختي قمة الإحساس متى صلحتيها ؟
و هل أنت مثل ما قالوا أبوك او زوجك عسكري؟
لأنو أنا ما لنا بالعساكر صلة ^ــ^

أقولك تجربتي أنا سويت تشطيب بشهر رجب 1433 عند ابن رشد الدكتور محمد المتعب وعمليتي ويف ليزك وكلفت 6000
ريال شامله الفحوصات لأن كان عندهم عرض صيفي وتقريباً تكلفتها قبل العرض 8000ريال
أول شي يسويلك فحوصات تكلفتها 700ريال وبعدين يحدد عمليتك وعندهم رقم تليفون ياليت تأخذينة من موقع ابن رشد التخصصي وتستفسرين عن كل اللي تبينه طبعاً كل العمليات العيون تجيب جفاف بالعين وانا عندي موعد بشهر 11 ابشوف الجفاف بعيني موجود ولا لا لان للحين مستمره على قطرة للجفاف .
أدعي لي بتيسير أموري من وظيفه وزواج .