إذا بعدت المخدة بعدت المودة

السلام عليكم



من كثر ماقريت مشاكل بهالمنتدى وتأثرت من مشاكل اخواتي هنا حبيت اقدم نصيحة


وهالنصيحة قدمتها لنفسي قبل ما اقدمها لكم




اول شي حنا الوحدة لما تزعل على زوجها عفاريت الدنيا تنطط بوجهها

وتصير تكرهه
وتتخيل نفسها خلاااآاآاآاص مو قادرة تناظر وجهه وماتشوف بين عيوها الا ورقة الطلاق



وهذي مشاعرطبيعية نظرا لطبيعة المراة العاطفية


المهم

النصيحة هي


اذا صار مشكلة. ......تراشق بالألفاظ،،،،،،،،زعل ،،،،،اختلاف شديد بوجهات النظر


ازعلي
ثقلي خاطرك

لكن بيتك لا تتركينه


واذا بعدت المخدة بعدت المودة
واذا تركتي بيتك فآنتي بعد تركتي زوجك لشياطين الانس يحرشونه ويقسوه قلبه عليك ،،،،،،وممكن احد يحرضه يتزوج عليك أو يطلقك أو يعلقك لا سمح الله


ويتدخلون الأهل ،،،،وكلن يدلي بدلوه،،،،،ورغم انهم يحبونك لكن راح يكبرون قلبك ،،،،،واهله يكبرون قلبه



هم يشوفون الحق مع ولدهم
واهلك يشوفون الحق معك

ويطلع الامر من ايدك وايده


ازعلي عليه ،،،،،،و طنشيه،،،،بس خليك قريب منه وتحت عينه ،،،،،مع الوقت بيلين قلبه ويلين قلبك ،،،،،،ويندحر الشيطان الله يخزيه


طبعا فيه خلافات كبيرة يلزم معها ترك البيت وتدخل الأهل ،،،،،،،لكن انا اتكلم عن الخلافات العادية اللي تمر على كل بيت





والله يستر علي وعليكم ويهدينا ويهدي لنا ويسخر لي ولكم