طريقة المهلبيه بليز ياحلوات

بارك الله فيكم

بالضبط حطي في قدر قبل تحطيه على النار : كوبين وربع مويه وخمسه ملاعق حليب بودره وفرغي محتوى المهلبيه عليهم
وحركيها حركيها لما تذووووب ومايبقى فيها تكتل ..
وبعد كدا شغلي النار وحطي القدر على النار وحركي واستمري في التحريك لما تثقل ..
وطفي النار وصبيها في قوالب المهلبيه .. وبالعافيه
انا اسويها كدا ودايما مضبوطه

اسئل الله العظيم رب العرش الكريم ان يسعد ويرزق كل وحده ردت عليا

كيف اسوي مهلبية بدون ما اشتري هذا النوع الجاهز من السوق ودي اسوي له مهلبية بس مقدر اطلبه مقاضي غير اللى اول الشهر

هذه الطريقة من امي الله يحفظها ويشفيها معتمدينها في البيت
تقدري تعمليها المهلبية اما بالرز المطحون الرز المصري او بالنشا
تذوبي 5ملاعق حليب كبيرة ومليانه في موية وتضعيها في القدر
عادة استخدم صفاية حتى ماتتكتل معاي
وتضيفي موية
تقريبا 3كاسات موية المعيار كاسة الجبنة الكاسات العادية
طبعا الماء يضاف ويكون مغلي وحار ويقلب
لاني استخدمها قدر متوسط تقريبا اقل من النصف كمية الماء
حتى تغلي وتكوني مذوبة 3ملاعق مليانه برضو اما نشا او رز مطحون وتهدي النار وتضيفيها بعد ماتصفيها بالتدريج مع التقليب سريعا حتى لاتتكتل
وقوي النار مع التقليب ويضاف فنجان سكر او 2 حسب رغبتك وتغلي كذا لمدة دقيقة طبعا مهلبية الرز حتثقل وحتى النشا بس الرز تكون اثقل زي ثقل خليط الكيك اخف بدرجة بسيطة
وضيفي غطاء موية زهر بعد ماتشيليها على النار وقلبيها وصبيها في الزبادي وبالعافية
نفس الطريقة ايضا للتطلي اعملها بس بدل موية الزهر
روح الموز
وان شاءالله تزبط معاك وبالتوفيق