شاركي في النقاش

سجلي الدخول لإضافة تعليق.

التعليقات

1,998
  1. @roshana

    وانتى يا سمسمة 2005 كيف حالك انتى الاخرى وحال ابنائك (ولا انتى لسه بنوتة ودماغك رايقة)
  2. صباح الفل يا روشانا
    ياريت يا اختى بنوتة ودماغى رايقة
    انا عندى بنوتة اسمها ياسمين برضه وباشتغل وقاعدة لوحدى معظم الاوقات لان جوزى دايما مسافر برة
    وانا متحملة مسئوليتها من a to z لوحدى لان وعنديش حد يعملى اى حاجة
    لما خلاص
    تخيلى جوزى بيفاتحنى فى موضوع الخلفة تانى انا حاسة اان ماقدرش عليه تانى وخصوصا وانا لوحدى
  3. @roshana

    سمسمة ربنا يقويكى ويخليلك ياسمنتك وتتطرح ياسمين صغير حلو كده
    موضوع البيبي التانى ده ليه مميزات وليه عيوب انا راى كل ماكان الفرق بين الطفلين مش كبير بيكون احسن بس طبعا بما انك لوحدك خالص مالص كده من غير حتى جوزك فيبقى صعب
    استنى لما تكمل 4 سنين مثلا كده ان شاء الله وبعد ين توكلى على الله وهاتيلها نونو حلو صغير كده تلعب بيه
  4. @am_abyha74

    صباح الخير يا روشانا ايه هجوم اللغة الفصحى ده

    ياسمينة الحمد لله احسن النهارده لسة في اسهال لكن اقل من المرات اللي فاتتوانتي ازاى ولادك عاملين ايه

    سمسمة 2005

    ربنا معك والله بس انا شايفةزى روشانا كل ما الوقت بينهم يقل يبقى احسن

    اسكتوا اما ياسمينة عملت فيا حتة مقلب اليوم غيرت لها الصبح قبل ما انزل واول ما ركبت التاكسي ومشي بعيد عن البيت الا واكتشف انها البامبرز بتاعها سرب وانها عاملي الي بالي بالكم ومغرقة هدومها لدرجة اني مش عارفة امسكها من فين طبعا لا معايا بامبرز ولا يحزنون كنت سايباه في الحضانة لأول مرة في حياتي ، فضلت انظف بالكلينكس على قد ما قدرت وقعدتها راكنة ضهرها على الكرسي وهى يا حبيبتي مش عاوزة تسكت عاوزة تمسك اى حاجة وانا خايفة لا تبهدل عربية الراجل وانا جنبها، اول ما نزلت قدام الحضانة جرى عليهم الحقوني انقذوني وبدأنا اليوم بتغيير الدايبر
  5. @roshana

    فطومة
    لغتنا الجميلة
    طب والله ساعات بحب اتفرج على الافلام القديمة بتاعة يوسف بيه وهبى والناس دول
    العربى بتاعهم احسن من بتاعنا الواحد ينبسط وهو بيسمعه كده

    معلش يا بنتى العيال دول مش بيبطلوا مقالب فى باباهم ومامتهم ولسه لما تبتدى تتكلم
    وتروحوا عند حد ولا حد يجيلكوا هاتتفرجى على الفضايح انا لسه ماشوفتش مع بنتى بس شوفت بنت بنت خالتى ما شاء الله كل ما حد يجيلهم تقعد تسمعله نشرة الاخبار
    ماما قالت كذا وبابا قال كذا وبابا جاب الحاجة الفلانية ووووووو رويتررررررررررررر
    واحنا عندنا فى التلاجة كذا وكذا وكذا
    او تقول تعليق فى منتهى البراءه يكسف على حد من القاعدين

تابعي تجارب أخرى من هذا القسم.