الي اخترع ابرة الظهر يستاهل بوسة راس

فديتكم

ربي يسعدكم كلكم ويسهل ولاداتكم

****

فيه وحده سالت هل فيه كشف وتحاليل قبل؟
انا شخصيا محد سوى لي كشف وتحاليل مخصوص عشان الابرة ,, لا في الرياض ولا في امريكا

وفيه وحده قالت قبل الابرة ياخذون توقيعك
وبرضو انا ما وقعت على شي لا في الرياض ولا في امريكا
ماااذكر سويت شي زي كذا

***

عندي اظافه

فيه وحده اعرفها هنا بامريكا ولدت قبلي ولما كلمتها ابارك لها قالت (عندي لك نصيحه,, لاااا تااخذين ابرة الظهر,, انا اخذتها وسببت لي صداع فضيع ماقدر ارفع راسي بس منسدحه ... والدكتور يقول يمكن يجلس معاك 6 اسابيع!!)
قلت لها الله يجزاك خير والف شكر عالنصيحه
وفي واقع الامر ,, فكرت ,,, وش اختار ؟؟ الم ولاده او صداع؟؟ ... امممم ... صداع طبعا ههههه
لما جا يومي ورحت اولد وجاني طبييب التخدير ,,, قال ممكن يجي البعض صداع وهذا مؤقت ويمكن التحكم به بعلاج عادي

المهم بعد اسبوعين تقريبا كلمت الوالده الي تشكي من الصداع قلت كيف صداعك؟ قالت لا الحمدلله احسن بكثير
(خف قبل المده الي قالتها)

هذي القصه بس عشان تطمنون اكثر وعشان اكون جبت لكم الموضوع من جميع جهاته


*********

معلومه مفيييييده
للي ناويه تاخذها ان شا الله,,, تذكري هالكلام

انا في ثاني مره اخذتها واثنا الولاده كنت احس بالالم في رجلي اليمين واليسار متخدره
وشكيت
هالمره قلت خلني اسال الدكتور عشان اتاكد
قلت له ( هل معقول اذا نمت على جهة اليمين مثلا رح تتخدر جهة اليمين واليسار بيكون تخديرها اضعف؟؟ قال ايه ممكن...
عشان كذا يبغالك تتقلبين من جهه لجهه والممرضات رح يساعدوك!!)
انا من الخوف ان التخدير مايكون متساوي او اني رح احس بالالم نمت على ظهري مانقلبت لمده 8 ساعات هههه الين ولدت
خلال هالثمان ساعات جتني الممرضه قالت ( الي اشوفه في نبض الجنين انو الافضل تميلين على جهة اليمين) قلت اوك ونمت عاليمين مدة 40 دقيقه ,,, ولكني بعدها انقلبت على اليسار مدة 40 دقيقه ,,, وبعدها سالت الممرضه اذا عادي ارجع انام على ظهري قالت عادي وكملت على ظهري ورجليني متمدده تماما
فالافضل خليك متمدده وعلى ظهرك عشان توزيع المخدر يكون بالتساوي

***********

بالتوفيق
ويارب يسهل عليكم جميعا ولاداتكم =)

عندنا هنا ماراح يقتنعو فيها الا بعد 100 سنه
أنا استعملتها مرتين وهي اكبر نعمه الحمد لله
الناس تحب تهول وتخوف..
عمي عمره ٧٠ سنه ماشاء الله الله يطول بعمره..
ويوم سوا عملية بركبته اعطوه إبرة الظهر
وهو كبير بالعمر والحمد لله مااثرت فيه ماشاء الله
اللحين اغلب العمليات صارت معتمده بتخدير نصفي .. فليش الخوف..!! 

الحمدلله اخذتها وفعلا سحر
والطبيب قالي وجع الظهر ممكن يصيب اي وحدة سواء اخذت الابرة او لا والسبب الحمل وانحناء الظهر وقلة الكالسيوم يعني مالها علاقة بالابرة فعلا في كثيررررررررر نساء ما اخذوها وتعاني من وجع الظهر بعد كل ولادة
ومضاعفاتها الصداع ويقدرو يتحكمو فيه

اضم صوتي لصوتك
اقول مثل الي يخلع ضرسه بدون بنج او ببنج كذلك هي الولادة بابرة الظهر او بدونه ولادتي كان بدون ابرة وشفت نجوم الظهر وان شاء الله وحملت رح اخذ الابرة