نصيحة للمطلقة اللي عيالها عند ابوهم

السلام عليكم



طبعا حنا في زمن انقلبت فيه الموازين في كل شي


وزمان سندريللا ولى اللي كانت زوجة الأب تعذب ابناء زوجها



الحين في زماننا صارت زوجة الأب تدور السلامة

وعيال الزوج يجاورونها ويكايدونها ويدورون اللي ينكد عليها


وطبعا غالبا بتحريض من الأم
كثير سمعنا عن زوجات اب حاولوا بمليون طريقة يكسبون ابناء ازواجهم وفشلوا

ليه؟؟؟؟


لأن وراهم احد يعبي روسهم والا الاطفال ليه يكرهون وحدة تحسن لهم



رسالتي للمطلقة اللي عيالها عند ابوهم ويجون يزورونها او يكلمونها المفروض توصيهم يحسنون اخلاقهم مع زوجة ابوهم ويحاولون يكسبونها


وهذا راح ينعكس على نفسياتهم ويخليهم يعيشون بسلام ونفسية حلوة خالية من العقد



لكن اكثر الامهات الله يهديهم يستخدمون العيال كوسيلة ضغط او انتقام من الزوج بدون ماتفكر انها بكذا تدمر نفسية عيالها



والا الابو وزوجته بتعدي السنين ويكبرون العيال وتخلص مسؤوليتهم

لكن راح تظل الرواسب بنفوس العيال




لازم تدرك الأم ان مصلحة عيالها انهم يعيشون مع حياتهم الجديدة بسلام

ويكفيهم انهم خسروا الحياة بين امهم وابوهم

ماله داعي تكبر قلوبهم وتعقدهم وتكرههم بحياتهم

31 تعليق 6,764 مشاهدة

شاركي في النقاش

سجلي الدخول لإضافة تعليق.

التعليقات

30
  1. @mooomy_1

    اي والله ياعمري هم الضحيه والي راح يتعقدون نفسيا في حياتهم بسبب امهم وابوهم الله يستر بس ادعولي ان الله يرد لي زوجي ويسخره لي ولاولاده ويشفينا من العين ويبعد عنا الحاسدين يارب العالمين
  2. يابنت الحلال ياليت تجي ع الام يمكن تقولي عذرها حرقة قلبها

    لكن اهل الام ينكلوا بااولاد بنتهم عشان يرجعوا لاابوهم

    متخيله اي يعني ام امك تضربك وتعذبك وتتلفظ عليك واخوانك
    باالفاظ واطية عشان تطفشك من البيت ومن انه تعيشي عندها مع امك المطلقة
    وانت طفله مابيدك حيله غير تبكي
    نسيوا انك باذن الله بتكبري وتعرفي مين وقف معاك ومين ضدك

    هنا تقولي ع الدنيا السلام
    كل يوم نسمع قصص تجيب الهم
    يااارب افرجها ع المسلمين
  3. @alamal_alkbyr_1

    صاحبة الموضوع
    دانية الرياض
    والله إنك صادقة بس مو الكل. الله يعين الأطفال هم الضحية
    اكيد مو الكل


    فيه حريم عاقلات ويعرفون مصلحة عيالهم



    بس فيه حريم بدافع الغضب على الزوج او حب التنكيد عليه من باب الانتقام تحرض عيالها عليه وعلى زوجته وتنسى ان هالشي يضر نفسيات عيالها


    والا اكيد مافيه امم تتعمد تضر عيالها
  4. @alamal_alkbyr_1

    صاحبة الموضوع
    مووومي
    اي والله ياعمري هم الضحيه والي راح يتعقدون نفسيا في حياتهم بسبب امهم وابوهم الله يستر بس ادعولي ان الله يرد لي زوجي ويسخره لي ولاولاده ويشفينا من العين ويبعد عنا الحاسدين يارب العالمين
    آمين الله يشفيكم ويردكم لبعض ردا جميلا عشان عيالكم


    فعلا العيال هم الضحية بالطلاق


    وبيكونون عبء ثقيل وين ماراحوا وهالشي بيأثر عليهم


    لازم الأم والأب يصبرون على بعضويضحون عشان يلمون عيالهم

تابعي تجارب أخرى من هذا القسم.