$$ياعرووس ....يازينة الكون ...ليلة زفافك قربت!!تجمع عرايس1433ياهلالا$$

امممممم انا فاشلة في التقسيم دائما اخبص :ohwe:
بس حاولي انك تدبري حق ليلة الزواج خارج ال22 الف
لان بس يوم الفرح راح يكلفك كتييييييييير

مثلا الفستان والكوفيرة والمسكة والزفة والكوشة والورد والمدخل لو حبيتي تعملي
او حاولي توفري يعني الفستان استأجري من البنات صاحباتك او صاحبات صاحباتك لاتشتري او خدي ايجار من محل كويس
يكون سعره حلو والزفة كمان لاتسويها في محل خديها من البنات من النت انا حعطيكِ زفتي ان شاءالله تعجبك وبرضو شوفي الاخت رووز حابة تساعد البنات وتعطيكِ زفتها ارسليلنا ايميلك
المسكة مثلا وحده تشيلها عنك اختك او بنت خالتك او صديقتك
حاولي مثلا لو عندك احد في العيلة اتزوج قبلك واشترت شنط طقم تاخديها منها بدل من انك تشتري طقم ب1000 وعليها توفري

_________________________________

اما ال22

اول شي اعمل جدول طولي في ورقة
الاقمصة_البجايم_ملابس البيت_ملابس الخروج_الاكسسوار_الشوز والشنط_الميك اب_العطور_الكريمات_الصيدلية_القرابيع>>ههه يعني شموع وعلاقات وحاجات زي كدا
ممكن تضيفي ع القائمة ع حسب
________________________________________
الاقمصة+البجايم+ملابس البيت
خدي 2000و1000 ع جنب
لاتمسكي الالف اللي ع جنب خليهاا بس قضي ب2000
وروحي الهرم ما اعرف اذا عندكم في المدينة او لا موجود في جدة والرياض
اشتري الاقمصة منهم والبجايم وملابس البيت نوعي بين اقمصة قصيرة وبيبي دول وطويل لاتكتري
البجايم طويلة وشورتات وبرمودا واقمصة قطنية قصير
وملابس البيت بين شورتات وتنانير قصيرة وتي شيرتات وبدي هات
خلصتي من الاقمصة والبجايم وملابس البيت
افرزيها وشوفي اللي ناقصك واكتبيه في ورقة واشتريه من الالف اللي حطيتيها ع جنب والزايد حطيه في ظرف للازمات
ممكن تشتري من الماركات بس وقت التخفيض لاتشتري اقمصة وبجايم وملابس للبيت من الماركات في غير وقت التخفيضات

________________________________________
ملابس الخروج اصحك تشتري كل شي من الماركات في غير وقت التخفيضات راح يطير مهرك
اذا فرحك بعد شهر 12 حلو حتجي تخفيضات خلصي ملابس الخروج وقت التخفيضات
اشتري كم فستان طويل وميدي لاتكثير مثلا 2 طويل و2 ميدي وتنانير كمان لاتكثري اشتري 2 تنانير
وبناطيل مع بلايزهم فخمة مو قطن وكتان لا دانتيل وحرير وكدا
وجاكيتات اذا احتجي للفساتين او البديهات
ايش تشتري وقت التخفيضات الحاجات اللي مالها موضة زي البناطيل او البلايز
كمان ممكن تشتري من الماركات وقت التخفيضات شي تحسي انه مو موضه او ماراح يلبسوه الناس بعدين مثلا زيي اشتريت تنورة من فيمي ناين بس طقمت عليها بلوزة من محل تاني وكدا يعني او فستان ماركة معينة والبس عليه جاكيت من محل تاني اغير فيه
خلي بس لبس واحد لمناسبة مهمة قبل الزواج تشتريه بفترة بسيطة مثلا لو عملتي سابع بعد الزواج او عندكم عزيمة
________________________________________
ما اعرف كم تخلي لملابس الخروج ع حسب نخليه اخر شي
الاكسسوار بعد ماتخلصي ملابس الخروج البسي كل لبس واكتبي في ورقة ايش يحتاج له من اكسسوار وشنطة وشوز
وحاولي تشتري الاساسيات اكسسوار فضي ودهبي
اكسسوار للخرجات العادية مو قصد حق الافراح
وحاولي تضربي عصفورين بحجر كذا لبس تلبسي عليه نفس لون الاكسسوار فضي مثلا
وكذلك الشوز
_____________________________________________
الميك اب ع حسب استخدامك اشتري الاساس البودرة والكحل والماسكرا والارواج من ماركة سعرها معقول مثلا ماكس فاكتر والباقي من ماركات عادية بس طيبة
زي الاضاءة والاظلال المخملية والمناكير خلي له 500
اذا حتشتري المهم فقط

العطور
نوعي بين عطور ماركات اوروبية وعطور عود وكدا
اشتري العود من الماجد مع البخور والفواحات وقت التخفيض حيكون عنده تخفيض في شهر 12 لاتفوتيه ابداا اشتري مثلا 3 عطور وفواحتين ولوشن للجسم

العطورات الاوروبية اشتري مثلا 3 او 4
والكريمات من بودي شوب اشتري كم مجموعة عاجبتك

_______________________________
ماعندي فكرة عن الميزانيه بس كمان حاولي تشتري المهم فقط لاغير

الصيدلية
خلي لها ع جنب 500
وكمان حاولي تشتري المهم ثم الاقل اهمية
___________________________________
بعد ماتخلصي كل المهمات
شوفي ايش ناقصك واكتبي في ورقة واشتري الاهم ثم الاقل اهمية
___________________________________
القرابيع
زي الفواحات والشموع وايش كمان نسيت دي اخررررر شي


ان شاءالله اكون افدتك اي سؤال ابشري

وانا ابيها هذا ايميلي ربي يوفقك
moon16.10@hotmail.com

بناااات باقي اسبوووع عن زواجي ان شاءالله
وربي متوتره حيييييييييل ابشركم خلصت كل اغراضي
ومن بكرا بطلع للصالون للبرنامج

بنات انا الدوره تجيني بعد العرس بأربع ايام تقريبا
بس اذا توترت وخفت احيانا تنزل بدري ومابي اخذ حبوب
بسألكم اذا كانت موجوده بيوم الزواج وش البس بعد ماشلح الفستان؟؟؟

صح ضروووري بخاخ السيقان لأني كنت بشتريه ونسيته؟؟

الله يوفقك ياقلبوو لاتتوتري لاتقهروني والله العظيم الزواج عااااااااادي وسهل مو حق التوتر والعصبية وكل الجونان اللي بنعملوا عشانه هههههههههههههههه
انا لما دخلت بيتي كاني داخلة بيتنا هههههههههههه عادي
وحتى الزفة قاعده اقول بعد ماخلص كل شي ياالله ياخسارة البكاء اللي بكيتو :rotaeye:
ههههههههههههههههههههههههههههه

مرا لاتشيلوا هم شي فوضو امركم لله
اما بخاخ السيقان مو شرط اذا ماتحتاجيه
انا طلعتلي حساسية زمان لما اشيل شعر رجولي بالحلاوة تتحسس ولما يطلع الشعر واحك احك احك وخصوصا وانا نايمة وصار في اثار جروح ولازم احط بخاخ سيقان :(
احس خلاص اتعودت مستحيل اخرج من غيروا لو كنت لابسه ميدي او قصير بس عند زوجي عادي لاني بفته عندو بيضه هههههههههههههه :laughing: واثقة من نفسي بقوة ما اعرف ليه هههههههههههههههههههههههههههههه