السلام عليكم دكتورة
ربنا يكرمك ويحققلك امالك في الأيام المفترجة ده من فضلك تساعديني انا مغتربة ومش عارفة اروج لدكتور تاني لأن جوزي مسافر وعندي استفسارات كتير
من فضلك انا ولدت من عشرين يوم اول ولادة ليا وابني كان وزنه 3200 ماشاء الله
اولا : انا كنت برضعه طبيعي اول اسبوع وبعدين رحت بيه لدكتور اطفال بعد حوالي 12 يوم من الولادة ووزنه لقى وزنه 3400 فقالي ان كدة وزنه قليل ولازم ياخد لبن صناعي وكتبلي على s26 جولد وقالي ارضعه كل ساعتين مرتين طبيعي ومرة صتاعي
المشكلة اني كان نفسي ارضعه كله طبيعي وللأسف اللبن مش بيكون كفاية غير مرة واحدة الصبح بكن باقي اليوم بعد ارضعه بالاربع ساعات وفي الأخر بيكون جعان واضطر اديله بعد اللبن الطبيعي رضعة صناعي وحاسة ان ده غلط بس اعمل ايه ؟
كمان اللبن الصناعي حاسة انه تقيل عليه وبيشربه وهو متضايق ومتأذي جدا وبيخليه يرجع حاجة بسيطة كل شوية اثناء الرضاعة بالببرونة بس مش كتير وكمان بلاحظ ان بيكون عنده مغص وبيعد يحزق ويرفص برجله وهو بياخد الرضعة الصناعي وبيكون عاوز يرضع طبيعي بس للأسف مش بيكون في صدري لبن كفاية
ساعديني ازاي اكتر اللبن الطبيعي انا باخد هيربانا كبسول وسيكم للإدرار اللبن وبشرب حلبة ونفسي ازود اللبن الطبيعي
واعمل ايه لما ااكله طبيعي ويكون لسه جعان اديله ايه وايه الوزن المثالي ليه ؟ هو دلوقتي عنده عشرين يوم واعمل ايه لما يجيله مغص وايه احسن نوع شفاط للبن وهل لازم اشفط كل ساعتين حتى بليل كمان عشان يكتر اللبن ؟
واخر استفسار ابني لما بديله رضعة صناعي رغم انه بيكون شبع منها لكن يعد يصرخ ويعيط لحد ما اديله صدري عشان ينام لازم يمان وصدري في بقه رغم انه مش عاوز ياكل هل ده طبيعي ؟ وايه الحل ؟
واسفة جدا على الإطالة جعله الله في ميزان حسناتك وجزاكي الله خيرا مقدما
الدكتورة نجلاء محمود
متابعة النقاش، صفحة 323