محتارة ايش ارد على خطيبي ؟؟ تعآلوا ياحكيمآت

عادي مافيهإ شيء لو بإستراحه ومو لازم تدري الناس إنك سعيده ولا لا
وإن شاء الله بعد الزواج بيشوفونك وبيدرون بسعادتك الحمدلله وغير كذا
البنت لاتزوجت تبين سعادتهإ بوجههإ وراحتهإ معه .. والحمدلله رب العالمين
أهم شيء راحتك وسعادته معك وغير كذإ التوفيق من الله

اذا كنتي متاكده منه ومن اخلاقه وحبه لك
وافقي بنات كثير تزوجوا في قاعات فخمه لكن بعد الزواج كثرة المشاكل وتطلقوا

اما موضوع بنات عمك انسيهم ولاتخلين حياتك مظاهر عشان تثبتين لهم انك مرتاحه هالشي يضرك انتي

عيشي لنفسك .......وحبكم لبعض مع الوقت يثبت لهم سعادتك

انا من تزوجت والكل يفكر ان زوجي مايحبني بسبب بعض الظروف والله العظيم مافكرت في يوم ابين لاحد انه يحبني
كذا مرتااااحه هالشي يخصني انا وهو .....

شوفي عزيزتي...شعاري بالزواج اني ابسط نفسي واريحها قبل كلام الناس اللي لا بيودي ولا بيجيب....عندي اسافر معه وافرح واستمتع احسن مليون مرة من اني اضغط عليه وعلى نفسي عشان ارضي ناس اصلا ما بعرفهم او ما بيهموني او حتى بيكرهوني وبالاخير بيطلعوا يحكوا علي.....او على العرس او على القاعة....رضى الناس غاية لا تدرك....
وبعدين اذا ظروف زوجك لا تسمح واضطر يضغط على نفسه ويتداين عشان هذه المظاهر الفارغة اللي سمعت والله اعلم انه حتى العروس ما بتحضرها عندكم في بعض الاحيان....انت اللي راح تعاني بعد العرس في الضغط المالي والنفسي واللوم منه بسبب ضيق الاحوال المادية لسداد هذه الديون ويمكن ما يصحلك شهر عسل مرتب او يكون اقتصادي وبرضه راح يلومك عشان انتي اللي صممتي على المظاهر...ويظل زوجك يرجعلها عند اي مشكلة بينكم بحكم انك ما قدرت ظروفه ودخلتيه بكل هاي الديون
بقول انبسطتي وافرحي بس بعقل ..وعشان انت تكوني مبسوطة بهذا اليوم..مش عشان تقهري فلان وعلان..لانهم فعليا ما راح ينقهروا الا اذا شافوكي مبسوطة بحياتك كلها مش بليلة وحدة...
وممكن تعملي شوية ديكورات بالورد والاضاءة بالاستراحة وتجعلها من اجمل ما يكون.....في صور كثير بالانترنت ممكن تفيدك...وتستاجري مثلا كراسي فخمة وتعملي تنسيقات على الطاولات بسيطة بس ذوق وما راح تكلف كثير مثل القاعات...واذا في مثلا بركة سباحة في الاستراحة اعمليها عندها..يالله ما اجملها ..انا حضرت عرس بها الطريقة كان من اروع وارقى واهدأ الاعراس...وكانوا متعاقدين على بوفيه راقي على الطريقة الاجنبية فخم وبسيط بنفس الوقت...المهم الذوق في التنسيق..واانت ست الذوق اكيد....

بالله انتي ايش هامك على مرت عمك عشان تقهرينها

خلاص الحمدالله جاكي خطيب وشاريكي .. وبيمشيكي بدولتين وكل شي


ليش تضغطين عليه ماديا عشان ليلة وحدة .. قدري ظروفه مسكين

ترا الدنيا غاليه وزوجك اغلب الظن بيكون ببدايته حياته .. اذا تبغين الفشخرة والمظاهر بيضطر يحط ديون فوق راسه عشان يسويلك الزواج اللي تبغينه

وفي النهاية الناس بتطلع بيقولوا كلمتين ويمكن ينتقدون كمان وينسون .. وتظل الديون فوق راسكم انتي وياها بعد الزواج

بالعكس ممكن تاثر عليكم سلبيا ويصير ينتقدك واقل شي يضمرها بنفسه .. لانه الفلوس اللي صرفها تراها جات من تعبه وشقاه ماجاته بلاش

انتي ماشتغلتي عشان تحسي بالفلوس اللي يصرفها الرجال على مجرد مظاهر


نصيحه .. تزوجي باستراحه وخليكي مرتاحه <<<< ايش رايكم بالشعار هههههههههههه

واكسبي زوجك .. الزواج تضحيات مو مظاهر .. واذا كان تفكيرك مظاهر ترا بتتعبين حبيبتي

الله ييسر لك