مرحبا كيفكم حبيباتي
الله يبارك فيكم جميعاااًاًاًاًاً ،، وعقبالكم يارب
الحمدلله رب العالمين ولدت بتاريخ 20 رمضان الساعه 8 ونص تقريباً
اسسفه طولت ما طليت عليكم،، بس تعب الولاده و النفاس لهم دور الله يعين
بقولكم اكشن ولادتي
يوم الثلاثا ، ع الساعه خمس ، رحت الحمام لقيت بقعة دم ،، قلت شكله عادي حركات الشهر التاسع ،، لانه توووه باقي ع موعد الولاده كم يوم
و بعد الفطور بعد لقيت ،،، و كل ما دخلت الحمام انزلت لزوجة مع دم بسيط
و كان فيه الم يروح و يجي كل ربع ساعه ،، زي النغزه
وانا متعوده ع هالالم يجيني بالنوم ينكد علي،، بس هالمره جا وانا صاحيه ،، قلت يلاااا حركات التاسع
و تروح و تجي نغزات مغص بالبطن
المهم قلت اذا جت الساعه 12بالليل و الدم ما وقف و الالم ماخف ،، بروح المستشفى ، اخاف المشيمه نازله او الجنين فيه شيء
و جت 12 ، و رحت المستشفى و ع طول قلت للرسيبشن انا معي دم من العصر و الم يروح و يجي و بالشهر التاسع.. قال ادخلي للمرضه و بسرعه تجي النيرس و تاخذ قياس الظغط و الحراره و يجيبون عربيه ،، .. و حسيت الالم زاد و يروح و يجي << للآن ما جا ببالي ان الطلوق كذا ،، ع بالي الم متواصل مو كذا متقطع
و دخلت على القسم و اخذو معلومات و قالو اقعدي انتظار السراير زحمه باااسعاف�� تفففاجأت فيه ثنتين قبلي قاعدات ، وحده منكبه المويه معها و وحده تطلق
و اقعد ،، وتففاجأت خير حالات ولاده هذولا و مقعدينهن انتظار ،،، و بعدين جت النيرس قالت يلا فلانه فضى سرير ادخلي
وبعد عشر دقايق، نادت الثانيه اللي منكبه موية جنينها،،،، وانا الالم مستمر معي يروح و يجي ،، وبعد حوالي عشر دقايق بعد نادوني فضى سرررير
المهم دخلت وقالت يلا خشي حمام فصخي عباتك ولبسك الداخلي و حطيه بالكيسه ، وحطي لنا بهالعلبه بول ،ثم روحي سرير رقم سته
سويت اللي قالت ،، و انسدحت و جت حطت حزام قياس الطلق ع بطني ، و طلع قوته 40 الطلق ،،، يعني فيه طلق والم بس مُحتمل ،،،، هالكلام الساعه 2 تقريباً
بعدين جت دكتوره حبوبه سعوديه تمزح تقول شالسالفه يا تجون مره وحده يالوالدات و ننزحم، او محد يجي فاضين خخخخخ
المهم كشفت علي و قالت ماااشاءالله 4 سم ،، ولاده
قالت كذا و راحت و انا غرقت بدموعي ،،، مدري هي فرح اني خلاص بفتك من الثقل ،، او خوف من الولاده
المهم امسح دميعاتي و تجيني النيرس تتبسم و تركب المغذي و تمسح ع ايديني تقول بننقلك لغرفة ولاده ،، بس يلا لين يفضى سرير
<< لاحضوووو هالكلام الساعه 2 تقريباً
وخلوني لحالي يتزايد علي الطلق
لييييييين جت الساعه 4 ونص
مو لحالي قصدي طناش ، لا هالنيرس الحبيبه تجي و تروح علي ، و غثيتها اسألها هاااه متى يفضى سرير بالولاده ،، و تقول باقي
المهم الطلق كان كل شوي يزيد ، وصل 60 و احس بالالم لا جا يألمممممم و اخذ نفسسس شهيق و اطلعه ببطء زفير و اقول الحين بيخف الحين بيخف ، لين تخف الطلقه
هو درجة الطلق من 100 ،، 100 المووووووت
المهم 4 ونص جا دكتور سعودي و محاكيتكم تتلوى من الطلق والالم اللي يروح و يجي كل خمس دقايق،، و هالدكتور طايح اسأله فيني عن اذا فيني سكر ظغط حساسيه من اكل او حساسيه من دواء.... الخ
و انا ماغير لا لا لا ،، ايه ايه ايه
اخر شيء قال بفحصك
قلت طيب مافيه ممرضات ،، فهمها و قال اهاااا طيب براحتك
قال طيب ما تبين افحصك براحتك بس ترى افضل عشان اشوف تحتاجي قابله تولدك او دكتور،، و الفحص بس ع بطنك ،، قلت اوكي << لاني ع بالي بيشوف من تحت ، استحيت
فحص بطني و قال بحط السماعه ع صدرك ،، و فحص .. ثم قال ليش قلقانه ؟؟؟؟
قلت له شيء جديد ترى علي
قال طيب طيب و قال ترى بتولدك قابله ، اللي هي ممرضه متخصصه بالتوليد ، ما تحتاجين دكتور ان شاءالله
و يوم جا بيروح قلت ابي ابرة ظهر
تفأجأ و قال تبينها ؟ قلت ايه الالم كل ماله يزيد ، قال حلوو والله ، اكثر اللي يجون يرفضون للاسف ،، بس ع حسب حاجتك بنعطيك
قال يعني اذا طووولتي و الالم معك و لا انفتح الرحم بسرعه بنعطيك الابره ،، قلت لا الالم ما اتحمله كل ماله يزيد و يتقارب ابي الابره من الحين ، قال اوكي بقولهم
ع هالكلام جت القابله،،وااااضح القساوه بعيونها من جت
اتوقع ماليزيه ، قالي هذي القابله اللي بتولدك ، قامت قالت يلا فضى سرير ترى ، و قامت تصارخ عليه بجرأه و تقول ايييييه ايييييييه
تفأجأت شفيها ، اثاريها تعلق ع نظرته السريعه لاوراق الطلق اللي اعطته وسكرهم بدون ترتيب،، قالها خلاص برجع اقراها ببطيء و اسكرها ع ترتيبها اول.. حسيت انها قشرا من هالاسلوب
المهم راح و قالت يلا خوذي اغراضك والبسي عباتك وتعالي وراي،،، للأسف ما شالت عني اغراضي او جابت لي كرسي ،،، وانا ساكته اتمصلح معها و اتبوسم و اطيعها وامشي وراها
المهم وصلنا للغرفه ،، قامت تنادي تقول ليش ما تنظفت و تنادي تبيهم ينظفونها وقالت خليك الغرفه مو جاهزه، بينظفون غرفتين ثم هالغرفه،، و احط الكيسه ع اقرب طاوله واقعد ع اقرب كرسي بالسيب اتلوى من الطلق،، قلت لها الالم يزيددددد .. قالت لازم الم ،،، بنت بعدين زواج بعدين حمل و ولاده، كذا الحياه،، سكت و ع الكرسي قاعده انتظر التنظيف يجون للغرفه و اتألم
وهي طايحه سوالف مع الرايح و الجاي و ضحك
المهمممممم وجاكم العلم اللي يقهر صححححح
سمعنا صراخ بغرفه جنبنا و نيرسات رايحات جايات
قالت شوفي هذي بكريه مثلك ، جت من امس الصباح و هذاها للحين اليوم الثاني الصباح ما ولدت
لا تحسبينك تدخلين الغرفه يعني خلاص بتولدين،، البكريات تطولون
و انا اللي جتني الصيحه و خفت ، وش هالتحطيم ،، و قلت الله ييسرلها ان شاءالله
و تجي الممرضه الحبيبه اللي اول بالاسعاف تشرف علي وتمسح يديني ،، شافتني و قالت للقابله ،، ليش بالسيب ؟؟ قالت القابله انتظر الغرفه تنظف ، قالت حرام هذي مسكينه
جااابتها ع الجرح ،، احس رحمت نفسي و قامت ادميعاتي تتطايح و ادعي ربي ييسرلي وانه ما تجي ست الا وانا مولده
و لاااعت كبدي و اخش الغرفه و ركض ع الحمام استفراغ
واخيرررراً جو التنظيف ينظفون ،،، و طلعت ثم رجعت استفرغ
ثم طلعت ثم رجعت وانتو بكرامه براز و بول ،، الا و تنزل لزوجة مع دم ،، كثيرر
قلت لها عن اللي نزل مني ، حسيتها اهجدت شياطينها و صارت اسلوب ، قالت انسدحي ع السرير
قلت ابرة ظهرررر ابي ،،، قالت يلا الحين يجي اخصائي التخدير مشغول ، فيه ثنتين قبلك بيخدرهم
بس عشان يخف الالم بعطيك ابرة ورك ، بتدوخك و ما تخليك تحسين بالالم قوه
و تعدل اسلوبها معي وتغيرت نفسيتها ،، و افحصت ع الساعه 5 ونص و لقت الرحم وصل 6 سم
المهم وصل الطلق 80 ،، و صرت ادوخ ثم افززززز من الالم واقول ابرة ظهرررر ،، وتقول يلا عنده تخدير ثنتين بيولدون ثم بيجيك
و ارجع ادوووخ و احلام ورديه و روقااااان ثم انقززز من الطلقه و اقول نيررس ابرة ظهررر
وتعيد الاسطوانه يلا انتظري دورك ، بيجي.. و ع هالحاله من الساعه 5 ونص الى 6 ونص ،، ادوخ ثم ينقزني الالم ،،، و الطلق وصل 100 واكثر
ونفسس الاسطوانه و انا اون من الالم اقولها ،، و ترد علي نفس الرد
المهم الساعه 6 ونص انتهى شفتها و جت وحده سمرا وجهها سمح ،،، قالت لي النيرس الماليزيه انا خللص دوام ، هذي بتولدك
و تسلم علي النيرس السمرا و تعرفني بنفسها و تتبسم
تذكرت حاجه ، قبل تسلم الماليزيه ،، اقولها احس بدفع ، قالت ادفعي
اذا حسيتي ، قلت طيب تعالي شوفي الرحم
جت و قالت الجنين نقص نبضات قلبه خليك ع جنب لا تنسدحين ع ظهرك ، و تحوس و تجهز
و يزيد الالم و اصير ع ظهري،، وتقول لااا خليك ع جنب عشان دقات قلب الجنين
و تروح تجلس ، و اقول ابدددفع وتقول ادفعي ،، وهي بعيده
المهم يوم استلمتني النيرس السمرا
افحصت وقالت انا اشوف شعر الجنين و الرحم وصل 10 سم
اذا فيه دفع ادفعي
و اغفى انام ثم يجيني الطلق ينقزني. ،،، حسيت اني ابي اتبرز
قلت ابي حمام براز
جت تركض قالت لاااا لاا هذا جنين مو براز و ارجع اغفى
وارجع اصحى من الالم و احس اني ادفع و القى ثلاث جايات زياده
2 فلبينيات و وحده سعوديه
و يقولون يلا يلا ادفعي
و انا اقول ابي حمام براز
و عيو للااا هذا جنين ، اذا براز عادي تبرزي ، بس ذا الجنين
و اصير ع هالحال اصحى من الالم ادفع ثم اغفى
اشوي الا قامو يصارخون ادددفعي ادفعي الجنين نقصت دقات قلبه
و السعوديه تقول اذا حسيتي بألم خوذي نفس عميق و اكتمي ثم ادفعي بقوه،، الجنين دقات قلبه كل مالها تضعف
و انا خفففت مابي يموت مع كل الشهور الحمل و هالولاده
و صرت اذا جا الم اخذ نفس و اكتمه ثم اددددفع
وهم صرااخ و ركض يحطون لي اكسجين
و ع هالحال يشجعوني لا دفعت ايوااا ايوااا ممتاز اكثررر اكثررررر
و طوووولت ع هالحاله احاول و ادفع ثم اتعب اوقف و يحطون لي اكسجين واخذ نفس ، ثم يجي الالممممممم و احاول ادفع و اعصر نفففسي و حاااااااله ، اشوي فقدت الالم و خفت و يهدوني و يعيدون كلامهم اذا الم ادفعي،،خوذي نفس ،،، تعببببببت مررررره الله يعظم اجر الامهات و اخر شيء اخذت نفس و دفععععععت
ليييييين طلع
اخر دفعه ، قالت لي شوفي جنينك وصلت دقات قلبه 64 من اصل 120الى 140،،و الاكسجين خوذي نفس و خفففت وقمت ادعي و اتذكر الاعاقات اللي سببها نقص الاكسجين عند الطفل عند الولاده
و اخذت نفس و كتمته وددددفعتتتتتت
ويوم طلع اقول ها عايش قالو ايوه و اسمع صوته خفيف،، ما سمعت صياحه ،، اثاريه لانه اختنق شوي مو عالي صياحه
قمت اقول الحمدلله الحمدلله ، و هم يباركون و انا اشكرهم
و اثارررري يا بناااات طلعت الراس تهووون عند الطلق ، الالم كلللللللللله بالطلق اااخخخ
و ابرة الورك ررررهيبه تساعدك بانها تدوخ تخليك كأنك بحلم
و الحمدلله ع كل حال ،، دعواتكم لي و لمولودي بالصلاح و الهدايه
ًًًًًًًً[[ التجمـــــــــــع (35) لكروشات ونفوسات مواليد يوليـ7ــو واغسطــ8س]ًًًًًًًً
متابعة النقاش، صفحة 295