التردد من الرياض للقصيم

صباح الخيرات
ابي مشورتكم الله ييسر اموركم ويحرمكم عن النار سوالي هل التردد من الرياض الى القصيم معقول لان عني اطفال بالمدارس واطفال بالبيت واجد صعوبة بالسكن هناك لاني اجهل المنطقة وبنفس الوقت متحسفة على الوظيفة اللي جت بعد عشر سنين:44:
تكفون ابي المشورة الله يسهل على الجميع

16 تعليق 1,394 مشاهدة

شاركي في النقاش

سجلي الدخول لإضافة تعليق.

التعليقات

16
  1. مدري احسها صعبه متى تطلعين من بيتك ومتى ترجعين
    تعالي بالقصيم انتي واطفالك
    بالقصيم كل شي يخطر ببالك فيها ماراح تفقدين شي
  2. @shtha_algnh

    اهليين اختي انا من سكان بريده وازور الرياض كل اسبوعين ..ز

    المسافه حسب السياره بس الغالب الغالب تكون ثلاث ساعات وشوي وتدخلين الرياض عاد المسافه الباقيه على حسب الحي اللي تبينه لان الرياض ماشاء الله واسعه وزحمه ...

    واي استفسار انا حاضره لو بالخاص ...
  3. @shtha_algnh

    عفوا فهمتك غلط انك ناقله للرياض.

    انصحك تجي للقصيم اخف زحمه واقل اسعار الايجار واريح لك ..ز

    ماودانا للقصيم غير زحمة الرياض وغلاها..
  4. @rhooobh

    حبيبتي انا زيك بالضبط بس تري والله صعبه كل يوم مشوار ٣ ساعات رايحه ونفسها جايه
    ومبدئيا راح اسكن ببريده وربي يسهل علينا ..

تابعي تجارب أخرى من هذا القسم.