ندا الى زوجة كل شكاك افتني في امري من خلال تجاربكن !

واضح ان زوجته ماقدرت تعيش معه....

اذا رفض اللاب توب بيرفض اشياء كثيييييير

الله يعينك ويدلك ع طريق الصواب

انا برأي ابعدي عنه الان ولا بعد الزواج تورطي فيه شكاك مو مشكله لاكن اللي مايعرف يحافظ على اسرار بيته هذا مايتعاشر لاتقولي فرصة مافرصة بعدين مايجيني عريس ان شاءالله ربي يرز ققك بواحد احسن منه

اهلين حبيبتي ..

قرأت كلامك و البنات ماقصروا كل وحدة أعطتك رأيها والغالب مثل ماتشوفين حذروك من انك تكملين الطريق ..
أما اللي تقول اذا لابتوب وجوال وووالخ هذا أمر هين .. لا مو هين أبدا
بكرة يتحكم في طريقة معيشتك وتكونين بلا خيار وانسانه تابعة بدون عقل
ولاتخلين أحد يأثر عليك بهالمنطق لأنهم ماراح يعيشون عيشتك ..

انتي تبغين تتزوجين حتى تعيشين عيش كريمة ومحترمة مو إهانة وذل ويفرض عليك كيف تعيشينها ؟
وأهم مقومات العيشة الزوجية .. الإحترم والمودة ..

و أعتقد انك في عمر إمرأة ناضجة ومسؤولة عن حياتك واختياراتك ,,
وحتى إن كان زوجك ماله علاقة في كيف تختارين طريقة معيشتك ..
أيا كان مادامت تحفظ له حقوقه وماتقصرين معاه فيها

وشي ثاني كيف لو كان أهله بعد بيتحكمون فيك ؟
انتي مو عبدة انتي انسانه حرة اللي بيتزوجك يختارك مثل ما انتي مو يحولك لإنسانة ثانية بلا حق اختيار


لاتفكرين بعمرك .. وتقولين كبرت أو تقولين كبرت وأخاف مايجيني نصيب .. خليك من هالكلام اللي ماله سنع
الرازق الله واللي جابه يجيب اللي أحسن منه بآلاف المرات .. ولاتقولين الناس ووالخ ترى هذا اللي بيضيعك وبيخرب حياتك

القرار بيدك الآن ..
وحطي في بالك إن هالشي ماراح يأثر عليك انتي بس
حتى أولادك وبناتك خصوص كيف راح تكون بيئتهم اللي تربوا فيها ؟
شك وعذاب ونظرة سيئة ؟ وكيف يناظرون للبنات اللي حولهم إذا كبروا ؟


و إذا كان عندك استعداد تحملين عواقب هالأمور كلها في سبيل ان الناس يقولون تزوجت
وبكرة تعيشين في نار .. ولا أحد من هالناس داري عنك وإذا انفصلتي كيف راح تكون بعد نظرتهم ؟


والله ييسر لك الخير ويكتبه لك

استغفرالله

ياحبيبتي الموضوع واضح ومشكلة خطيبك او يمكن ميزة انو قالك طلقت الأولى لاني اشك فيها
يعني كأنو يقولك حتى انتي يااقفل عليك بأربع جدران بدون وسائل تكنلوجيا يايكون مصيرك زي الاولى
وهو قاعد يستذكي عليك ؟ يقولك قولي لابوك بتطلق علشان لاب وايباد عشان يحسسك انك تافهه
لامعليش الموضوع شك ومحد يشك بالغالب الا اللي لاعب بذيله ولا الانسان الملتزم مارح يفكر باشياء زي كذا وهو مامر فيها !
نصيحه لوجه الله ترى هذا زواج مو يوم ولا يومين عشرة عمر لاتضيع مع انسان غير كفؤ بس عشانك تشوفين نفسك كبرتي شوي ترى عمرك طبيعي ومو كبيره وربي يرزقك الأحسن