شاركي في النقاش

سجلي الدخول لإضافة تعليق.

التعليقات

80
  1. @ord_thblanh_1

    مافيه حرمه بالدنيا ماتتالم من الولاده
    واصلا الولاده ماهي مجال دلع
    وقتها تنسين كل شي
    بس اهم شي الدعااااااء بتسهيل الولاده وترديد الايات
    وانصح الحوامل بكتيب ( الافاده في ماجاء في وردة الولادة) فيه كل الادعيه للولاده
    واهم شي تمارين التنفس والزفير والشهيق وقت الطلق تسوينها تخفف كثير الم الطلق وتجعل الطفل ينزل لتحت ويساعد على الولاده وماتتعسر
    ولاتنسون ان كل شي باجره عند الله
    والله يسهل على الجميع
  2. السلام عليكم يا أختي

    أنا من صغري كنت قوية أعصاب و أكابر على الألم

    حتى لما أتألم من شي ما أشكو وأتذمر

    لكن في ولادتي الأولى صرت وحدة ثانية

    رب العالمين شاء انو تكون ولادتي متعسرة

    واستمر طلق الولادة القوي أكثر من 16 ساعة وأنا على نفس الحال وزوجي رفض إبرةالظهر

    وكل ماتجي طلقة أصرخ من قلبي لانه فعلا ألم موجع جدأ حاولت أكتم لكن فيني صرخة تقتلني

    وبين الطلقات أهدى وأستغفر ربي

    ولا أتوقع أنه في وقت الولادة في مجال للدلع لكن يمدينا نقول أنهم ماعندهم قوة تحمل أوصبر على الألم

    ولو إن الالم يسمح أن أكتم صراخي لكنت فعلت لاني أحترم أنه في نساء في غرف قريبة مني

    وفعلا في نساء دخلت الغرف لا صراخ ولا شي حتى أنين مافي و وولدو بيسر وسهولة

    وأكيد الولادة تيسيير أو تعسير من رب العالمين

    أتمنى لي و لك الولادة الميسرة والذرية الصالحة
  3. اذا خايفه من الم الولاده والطلق اخذي ابرة الظهر ابد تخليج ما تحسين بشي كلش .الالم يختفي ما كأنج تولدين

    الله يسهل عليج وعلي وعلى الجميع
  4. @alaml_96

    أم هياوي الحلوه
    اذا خايفه من الم الولاده والطلق اخذي ابرة الظهر ابد تخليج ما تحسين بشي كلش .الالم يختفي ما كأنج تولدين الله يسهل عليج وعلي وعلى الجميع
    هلا أختي
    الله يهون عليك وعلينا يارب وجميع المسلمات
    حبيبتي قوة تحمل تختلف من وحده لثانيه
    بس أهم شي لاتفكرين بالولاده كثير عشان ماتتوترين
    أنا نزلت المويه وماكان فيني طلق الصبح
    وجات الساعه وحده الليل بدأ معي الألم والطلق
    وكنت الحمد لله صابره ماتوقعت نفسي اني بتماسك
    لما جات الساعه خمس تقريبا تعبت وبكيت دخلت علي
    ممرضه مدري دكتوره الله يجزاها خير قالت نصيحه لاتبكين
    وفري جهدك لوقت الولاده عشان ماتكوني تعبانه كثير
    جات ست او سبع عطوني طلق صناعي برغم ان الطلق عندي
    كان منتظم أحسه بس قالت ننظمه اكثر واحس بالألم بس ماصارخت
    وكنت اسمع مره تصارخ حيل الله يستر عليها بس تذكرت كلام اختي لي
    اني ماصارخ ولاخاف لما اسمع حد يصارخ
    وكل ماحسيت بالألم استنشقت اكسجين مدري شسمه
    وصلت يمكن تسع تعبت حيل قلت ابي ابرة ظهر
    عطوني إياها بس كنت أتألم والممرضه مستغربه تقول مفروض ماتحسين
    وكنت أحس بالألم واتصبر والحمد لله جات وحده وولدت بالسلامه :)

    بس اللي مستغربه منه اني كنت اتألم برغم اني ماخذه ابره
    يمكن الجرعه قليله بس مره ثانيه ماراح اخذها احس ماستفدت

    والله يهون علييييك يآقلبي ويهون علي والجميع يارب
    بس نصيحه لاتفكري واجد واكثري من الدعاء والاستغفار

تابعي تجارب أخرى من هذا القسم.