شاركي في النقاش

سجلي الدخول لإضافة تعليق.

التعليقات

1,036

  1. تقربصتي
    لا مسامحتك وشني مطيب غداك ياوخيتي شكلها مكلتك تسهف
    كيف حالكم كلم وين غطستووووو؟؟؟؟؟؟؟

    كسكسي بالبصلة وطاجين جبن مع المسير والسلاطات
    الضيوف مازال ماروحي ياخي توة بنطلع بيهم يدهوروا في طرابلس وتوة نجيبلكم صور لطرابلس اليوم
    الجو حلو متاع طلوع


    يسلمك وخيتي ام محمد تفضلي في اي وقت وحلو المقلب ا للي درتيه لراجلك لكن في الاخير جى على راسك وبديرله اللي في الصفرة كله:hahaha: ربي يعاونك

    وبالنسبة للبورة كلنا تجينا مرات الحالة هادي يعني انتي طبيعية مش تقولي خيرها شانتال فالحة وتفتلك راهو حتى انا مرات تجيني حالة بورة ومزاجي يتقلب ونبدا ماخاطريش نطلع من داري بكل لكن انتي اكيد الصغويرة مبهدلينك ومش مخلينك اديري شي لكن ماقلتيش كم عندك صغار ربي يخليهملك

  2. @em_mohamed

    تقربصتي
    بهي الغربه بس لزكان معاك امك وبوك وخيتك كان تلكي معدش تروحي الوحد في دينها متمسك ماشاء لله واهو مرمر نتعلموا في للغه وتوا ادجيني لحوش مدرسه انكليز ولله كويس وعشرتهم بهي وكويس تتمنيهم مسلمين تغرفي نحسب بنرقد شفتك قولت خلين شويه


    السلام عليكم ورحمة الله وبركاته
    كيف حالكم يا بنات شنو الأخبار؟
    سامحونى معش زرتكم كنت مشغوله بأمتحانات زوجى
    وهيا باركولى الحمد لله اليوم طلعت النتيجه ونجح وخذا الدكتوراه للللللللوووووووو:icon28: :icon28: :icon28:
    قلت خل انبشركم ونفرحكم
    لأنى من الفرحه انحس فى روحى نبى نطلع فى الشارع ونقولها لكل واحد ايقابلنى .
    الحمد لله الحمد لله الحمد لله أولاِ وأخراً

    العقبه لزوجك يا تقربصتى ان شاء الله ربى يفرحك بنجاحه ويطوى غربتكم على خير.

    شانتيلا ما شاء الله الفتات الصور امتاعه اتهبل ابعثى لنا اشوى
    والدتى اصلها من جالو واديرلنا فيه بس انا نعرف ناكله بس ما نعرفش انديره
    سلم ايدياتك وربى يرزقك ولد الحلال.
    وما اتخمميش ان شاء الله ربى يسخرلك ولد الحلال اللى يعاونك وتعاونيه فى امور دينك ودنياك

    ليبيا قلبى ايوه انا بنغازيه(شرنقش) بس زوجى طرابلسى (غرمبش) وانا توا حتى لهجتى قعدت طرابلسيه حتى لما انهدرز كلامى اكثريته طرابلسى
    شكلى نبى نمشى لبنغازى اندير رفرش للكنه امتاعى خخخخخخخخخ
    والمدارس والله محتاره بين الباكستانيه وبين البريطانيه وان شاء الله خير
    بس لو تقدرى تنشديلى على البريطانيه ومستواها ومصاريفها بقداش؟
    وصحيتى يا حبيبه
    بالك نطلع نعرفك ما تندريش الدنيا صغيره

    تاجوراء شن حالك وشن الاخبار؟
    ان شاء الله ربى يرزقكن باولاد الحلال ونحضروا عراسكن.

    الفالحه مرحبتين بيك انستينا

    امشيمشه سلمك نشاده
    وقولى لى شن المكان اللى مشيتى له خلينا انزوروه حتى احنا
    والا بالك عندى له صور فى موضوع موسوعة كندا.

    دى ليون كيف الاخبار ؟
    وحقه شن صار فى عزومتك ؟
    يا بنات الفلفل اللى محشى دجاج وملفوف عليه عجينه هذا انقولوله افوير (تصغير فار) فى ليبيا
    وشنو درتيه يا دى ليون والا درتى حاجات ثانيه

    نينا
    انستينا
    كان الويندو عندك عربى خوذى اكتبى الحروف العربيه ولصقيهن على الكى بورد
    انا هكى امدايره ما عنديش كىبورد عربى بس كاتبه الحروف واملصقتهن باش نكتب
    وكان الويندو مش عربى خوذى هذه لوحة مفاتيح اكتبى وديرى كت وبيست ومشى روحك وربى يعاونك
    http://www.al-islam.com/key.htm

    علياء
    مرحبتين وان شاء الله اديرى الحلويات واتخبرينا النتائج

    تيومه وام الغوالى شن اخباركن وان شاء الله ما بيكنش؟

    ان شاء الله ما نسيت حد.

    شن رايك يا شانتيل مادام ماشاء الله عليك فالحه فى التطيب والصور اديرى موسوعة المطبخ الليبيى
    بس شوفى ديرى الصور كلهن قبل وبعدين نزلى الموضوع بيش ما ايخربوش عليك بالردود وايلخبطوا الموضوع
    انا عندى كم صوره توا انزلهن هنا ونساعدك بيهن
    شنو رايك؟

    بنات نبى انقوللكن ان احنا وجه بلادنا ولازم انديروا صوره مشرفه لأن الغالبيه ما يعرفوش علينا شيئ
    على الاقل موضوع تجمعنا هذا يكون مخالف لروتين الملفات ونطلعوا منه بفائده سواء دينيه او دنيويه
    فشنو رايكن كل مره نتناولوا حاجه
    يعنى مثلا نبدوا بالقرأن.
    لله الحمد المدينه اللى انا فيها حاولنا انكونوا فالحات الليبيات اللى هنايا وانديروا فى حلقه كل يوم جمعه
    ونحفظوا بالتجويد وخلصنا جزئين الحمد لله
    الجمعه الجايه تسميع سورة المرسلات اخر سوره فى الجزء التاسع والعشرين
    فشن رايكن حتى هنايا انتعاونوا ؟

    مش ضرورى الحفظ هنايا بس لو نتفقوا نختموا قراءة القراءن كل شهر
    أو نصيموا اثنين او خميس كل وحده وجهدها
    والصدقه يا بنات ما فيش كيفها (اتقوا النار ولو بشق تمره )
    عندى هلبه افكار بس نبى التشجيع (صفقوا بيش انطلعهن خخخخ)
    المهم نستنا فى ردودكن
    وان شاء الله هالجمع يكون مبارك ويكون شاهداً لنا لا علينا.

  3. كيف حالكن شانتيلا ربى يرزقك بوليد الحلال عرفينا على نفسك اكتر اانىمتزوجه عندى محمد و لين فى المانيا راجلى يكمل هودكتور انى دكتوره بس ما قريتش
    ام محمد و الله افكار ك روعه هيا نبدو

  4. @lybya_klby

    omhamooda
    كيف حالكن شانتيلا ربى يرزقك بوليد الحلال عرفينا على نفسك اكتر اانىمتزوجه عندى محمد و لين فى المانيا راجلى يكمل هودكتور انى دكتوره بس ما قريتش ام محمد و الله افكار ك روعه هيا نبدو
    السلام عليكم ورحمة الله وبركاته

    كيف حاكن يابنات
    ان اشاء الله ديما طيبات وجتمعات على الخير

    shantal

    كيف حالك .ياعيوني انا عايش ومقيمه في دبي ونشتفل والحمد الله مبسوطه


    دى ليون

    كيف حالك وينك يابتي اختفيتي لا حس ولاخبر ولا غاطسه في موال الحفله .المهم طمينا عليك

    em mohamed
    كيف حالك ,تعرفي حتى انا عندي خواتي وحده متزوجه طرابلسي والتانيه مخطوبه لي طرابلسي ومنقولكش الي متزوجه لهجتها قعدت سلطه لا جت بنغازيه ولا طربلسيه.اما بنسبه لمدارس تعرفي والله منعرفش شي تاني غير الي المعلومات الي عطيتهم لكي لان انا مش مقيمه في ليبيا .تعرف بالك نطلعوا نعرفوا بعضنا كيف ما يقول, بنغازي شرعين ودردوحه والناس كلها يعرفوا بعضهم.
    والله ما شاء الله عليكم تعرفي نحن هنا كل وحده في حاله ومندروش علىبعضنا نهائي .

    تاجوراء


    كيفك ,شو عامله ان شاء الله امنيحه هههههههههههههههههه

    شكلي نبي انقول لان كم مره نغلط لما نبي نكتبلك


    NENA2005

    انستي ونروتي انت وين مغتربه ,حاولي اتعربي الكي بورد ,نستنوك

  5. @mshymsh

    em mohamed
    السلام عليكم ورحمة الله وبركاته كيف حالكم يا بنات شنو الأخبار؟ سامحونى معش زرتكم كنت مشغوله بأمتحانات زوجى وهيا باركولى الحمد لله اليوم طلعت النتيجه ونجح وخذا الدكتوراه للللللللوووووووو:icon28: :icon28: :icon28: قلت خل انبشركم ونفرحكم لأ…
    السلام عليكم يا والله نهار مبارك ونهار سعيد والله فرحتلك ياوخيتي
    ام محمد اللي زوجك نجح وادعيلي حتى اني ان شاء الله ربي اينجح
    عمك الحاج او هادي زغاريد مني :icon28: :icon28:

    بيش اتردهملي ان شاء الله لما عمك الحاج ينجح :22: لان كلنا جايين من
    اجل الدراسة وان شاء الله ربي ايوفق كل الليبيين اااااااااااااااامين

    :26: :26:

    او بالنسبة للمكان اللي امشيناله وانت ماشية في الهاي وي بعد ماتفوتي
    تورنتو قريب بساعتين تلاقيك مدينة اسمها ترنتون اتخشي منها للمكان هذا
    او هو اسمه ليك اون دا ماونتن يعني البحيرة علي الجبل او سامحيني ماعنديش
    صور لكن بالك نمشوله مرة ثانية تو انصورهولكم ان شاااااااااااااااااااااااء الله
    عموما الف الف مبروك والعقبالك حتى انت ان شاء الله والصغيويرة
    :26: :26:

    او بالنسبة لافكارك والله ممتازة غير ابدي واحني معاااااااااااااك وموفقة ان شاء الله

تابعي تجارب أخرى من هذا القسم.