تعالوا خبرونا ' شو سويتوا اول يووم بالعيد

 صبااح / مسساء الٓخييّر 

عييدكم مباارك

مثل ماهو واضح من العنوان كل وحده تكتب شو سوت باول يووم بالعيد:hearts:

وانا راح اكتب شو سويت اول يووم بالعيد

اول شي رحت لصلاة العيد مستحيل مااروح لصلاة العيد ما احس بالعيد اذا مارحت لصلاه :huh:

وبعد الصلاه رحت بيت اهلي وعايدت امي وابوي واخواني وخواتي وزوجات اخواني :freak6:

وبعدين حطينا الفطور وافطرنا :34:

وبعدين جبت القهوه والشاي والحلويات والمكسرات وتقهوينا وجات زوجت عمي وعمي وكملنا قهوتنا :hhheart:


وبعدين رحنا كلنا لعزيمه في استراحه للجماعه كلهم مجتمعين فيها وجلسنا عنددهم حتى الظهر وتغدينا وبعدين استاذنت ورحت لبيتي اناااام :09:

وصحيت العصر وسويت قهوه وتقهوينا انا وبعلي الله يهديه يارب قولوا امين 

وبعد صلاة المغرب رحت لبيت عمتي وبنات عمتي ونااسسسه عندهم الحمدلله ورجعت الساعه 1 ليلا دايخه ابي انااام

ونمت وبس هذي احداث اول يوم العيد وسلامتكم 


40 تعليق 5,463 مشاهدة

شاركي في النقاش

سجلي الدخول لإضافة تعليق.

التعليقات

39
  1. @ahl_shhryh

    الحمد لله كا ن عيدنا السنه هذي مميز عيدنا مع الجيران لفينا البيوت انا وجاراتي وعيدنا وانسطنا مره ومشينا العيال وتعشينا ورجعنا يارب لك الحمد
  2. @taab_alsnyn

    :heart:اول يوم العيد تجهزت ولبست وطلعت لعمتي ام زوجي واخواته وسلفاتي فوق
    وعيدتهم وافطرنا وجلسنا سوالف لما 12 الظهر
    نزلت وصليت الظهر وجلست على المنتدى 3 العصر وبعدها نمت لما 4 وجاؤ سلفاتي واخوات زوجي يعيدونا وتعشينا
    وافترقنا الساعه 3 الفجر
    ورتبت البيت وتروشت وصليت الفجر ونمت وبث
  3. @am_btal_3

    حلوة اعيادكم ماشاء الله


    انا والله ماروح صلاة العيد لان اولادي صغار الله يصلحهم حتى التراويح ماروح لها

    يلا ان شاء الله يكبرون واعوض واروح التراويح وصلاة العيد


    احنا الساعه 7 الصباح يبداون يجون الاطفال والرجال للساعه 11 الصباح ماشاء الله


    والساعه 11 نروح لاهلي نسلم عليهم وبعد الظهر نروح لاهل زوجي

    ونجتمع عندهم ل3 الظهر ونروح بيتنا ننام ونصحى نروح للسهره فبيت اهلي


    ومن ثاني يوم تبدا معايدات الحريم باي وقت تتوقعين حرمه تدق بابك

    البي 24 ساعه نظيف ومبخر والقهوة جاهزة ونروح للجارات والاهل وهم يجونا


    والجمعات والعزايم لمدة 4 ايام العيد واحيانا اقل واحيانا اكثر


    الله يعيده علينا وعلى الامة الاسلاميه بكل خير
  4. أنا عند أهلي عايدت الوالد والوالدة وبعض أخواني وخواتي اللي جو والساعة ثمانية رحت القصر حق جماعتنا وجلسنا للساعة 12 ونص عيد وترتيب يجنن وكل عايلة يجيبون عيدهم ويطلع بوفيه مرتب وبعد مارجعنا جاء أخوي يسلم ولقينا في الصالة صحن ذبيحة كامل مالمس وبعد التقصي اكتشفنا ان الوالد قال للمطعم الساعة ثمان تجيبونه والناس طلعوا عيدهم بالشارع الساعة سبع ونص وعلى ماجاء عيدنا صاروا مخلصين قسمناه شلنا نصه لنا عشاء ونصه أخذوه العمال نمت الساعة ثنتين ونص وصحيت ست ونص ونزلت لقيت الوالدة وأختي الكبيرة لبسنا ورحنا لبيت بنت عمي نسلم على بنتها الكبيرة لأنها ماجت للقصر رجلينها تعورها تقهوينا عندهم واستانسنا وجلستهم ماتنمل رجعنا منهم وكملنا السهرة بالبيت وأكلنا العشاء اللي باقي من عيد الوالد والصبايا أخذوا الأطفال وراحوا بيتزا هت وسلامتكم

تابعي تجارب أخرى من هذا القسم.