السلام عليكم ورحمة الله
كل عام وانتم بخير
الموضوع باختصار يا طويلات العمر
نقلنا لشقة
وابي اغير مجلس الرجال لان اللي كان عندي صاير قديم وحجمه ما ناسب المجلس الجديد
بس محتارة في اللون والشكل
ابي مجلس متصل وكلاسيكي
وبوية الشقة ابيض
وفارشة الشقة موكيت بني محروق
فياليت تعطوني افكار او صور وايش الالوان المناسبة
وايش الديكورات اللي اقدر احطها
على فكرة الكنب القديم بيج على بني يعني ما ابي نفس الالوان
ثاني شي :44:
مدخل الشقة فيه مغسلة مقابل للباب
والمغسلة قديمة شوي ولونها ابيض
وماعجبتني وابو الشباب ما يبي يغيرها
وصراحة احس انها مشوهة المدخل
ابغى حل يعني كيف اخلي مدخل شقتي يكون حلو وانيق
وكيف ازين المغسلة ؟
تكفون يا بنات لاتبخلون علي بالنصيحة والاراء الحلوة
ولكم مني دعوة في ظهر الغيب
انتظر ردودكم يالغاليات
شاركي في النقاش
سجلي الدخول لإضافة تعليق.
التعليقات
19- عندي كنب رجال حلو ماشاء الله ودي أصوره لك تاخذين منه فكرة
طبعا الألوان ممكن زيتي فاتح وبيج
البحري حلو للمجالس الرجالية
ممكن الأورنجي يمشي مع البني
بالنسبة للمدخل الستيكرتت والمرايا وشجر الزينة وأطقم المغاسل تغير كثير
اتمنى اكون افدتك - قلم نظيف
ربي يسعدك ويرفع قدك
انتظر الصور
فكرة الاستكرات حلوة بس للاسف
المدخل جداره مش من اللي يجي ناعم لا
اللي فيه زي الحبيبات مادري شيسمونه
وما ظنتي الستكرات بتركب عليه
والجدار اللي فيه المغسلة سيراميك :( - حطي كنب مغربي وحطي اللون بني ودخلي معة اللوان تجي حلوة معاة
واذا كان المدخل كبير حطي جنب المغسلة دولاب طويل يجي ارفوف وحطي فية مناشف والصابون والرفوف الباقية زينيها باي شي ان شاء الله اكون افدتك - الفراشة الزاجلة
ربي يسعد قلبك وييسر امرك
المجلس المغربي فكرة حلووووة
بس بالنسبة للدولاب المدخل صغير ما يجي - اشتري كنب اسود وابيض ورمادي والالوان اللي هابين فيها هالايام وحطي ورق جدران وحطي اثاث نفس الالوان راح يصير حلو وخذي افكار من المنتدى والالوان وراح يعجبك كثير
مواضيع مشابهة
تابعي تجارب أخرى من هذا القسم.