شاركي في النقاش

سجلي الدخول لإضافة تعليق.

التعليقات

74
  1. @ashrakt_shms

    حبوبه انتي خلعتي رداء الأنوثه الرقيق وارتديتي بدلا منه بالطو الرجل السميك جدا

    عودي لانوثتك ليعود زوجك لرجولته لا لتسديد الفواتير لالتامين تموينات المنزل لا لدعم المادي ولا كبيره جدا للاستعانه باهلك لانجاز اي شي يخص زوجك او بيته

    اخبريه اهلي زوجوني لك وليس لهم علاقه بمسؤلياتي مادمت في بيتك ان اردتهم ان يخدموني ويعتنون بي ردني اليهم وسيفعلون ذالك حتما اما وانا في بيتك انت الوحيد المسؤل عني

    ارسلت لك رساله خاصه بامر سيفيدك جدا ان وصلتك الرساله اخبريني
  2. @hms_ghng

    كثير من الامور اقدر اسويها بنفسي ولكن اتراجع واقف واتذكر اني لو سويتها راح اتعود ويتعود هو عليها. فاخليه هو يسويها لاني اعرف زوجي اتكالي وكسول وكثير تحصل انه يبرطم ويشيل الدنيا على راسه لكن صرت اخليه يسوي وانا مطنشة من بعد ماكنت اجادل


    يكفي اني اساعده ماديا بس مو مصاريف وفواتير البيت ..لا الاشياء اللي اشوفه مايقدر عليها نظرا لقلة راتبه
  3. @almghr

    صاحبة الموضوع
    همسة غنج
    كثير من الامور اقدر اسويها بنفسي ولكن اتراجع واقف واتذكر اني لو سويتها راح اتعود ويتعود هو عليها. فاخليه هو يسويها لاني اعرف زوجي اتكالي وكسول وكثير تحصل انه يبرطم ويشيل الدنيا على راسه لكن صرت اخليه يسوي وانا مطنشة من بعد ماكنت اجادل ي…
    الأخت اشراقت شمس وصلت رسالتك بارك الله فيك ورددت عليك
    ياجماعة المسالة مش مسألة راتب هو مسلمني بطاقاته وفيها فلوس عشان اقضي عنه مشاوير السداد
    بس الأخيره سويتها من حسابي وسواني كأني امسرقته قال لي ولو على اللي حولتيه خوذيه من فلوسي عندك كاش
    يعني البجاحه هي اللي بعد في جملته ذي قاهرني
    وبعدين ياجماعة انا مالبست ثوب الرجاجيل
    هو ألبسني إياه وبالإجبار من باب ماله احد غيري وانا اللي بقدر اوقف جنبه وانا بعقليه الحرمه اللي بتفرج وبتوقف مع زوجها على أمل يبين بعينه وغير من نفسه ماصار إلا تمادى بإهانتي وتصغيري امام نفسي حتى وامام ابنتي على زعم انه دايم معه الحق وانا المخطئة طفشت من ذا كله واول ما اقول طفشت من الحال ذا ومليت وزهقت بيقول بيت اهلك جنبك روحيه محد ماسكك وخلي طفلي واقضبي الباب ايش استفدت من ابعاد نفسي عن طفلي الحين ابغاه يحترمني ويقدرني ويحس فيني صحيح بس بعد ابغاه يترك الدرب اللي هو ماشيه بدون سبب يتلكك عشان يخانقني ويسكر بوجهي وفي الخير ممكن يراضيني بس مايبغا انعيد الموضوع والنقاش زي اللي يآخذني على قد عقلي وانا ماني صغيره ولكن ايش يقول الواحد لو يبتعد بس عن اللي جارينه وراهم والله مافي احسن منه كان مشغول بس بعمله لما جات مواقع الهوزهير والشاتات بالأيفون والدردشات بالقروبات وسمحت البنات والحريم لنفسهم بالمراسلات مع غير المحارم وبعث الصور خربوا بيوت كثيرة
    اعرف زوجي كبير موصغير وكثير وانا متأكده ان ذول اللي يتعارفون مايبون إلا الفلوس بس وين عمك اصمخ زوجي يعرف الكثير عن الحريم وكيف عيارتهم ويبين لي انه واعي بس مايدري انه قاعد يخرب بيته ويضيع زوجته من يده بسبب تصرفاته ذي وكم مره حاولت افهمه ان كيد النساء عظيم قالها ربي بكتابه مها بلغت من ذكاء بس زوجي شكله ادمن الشات وادمن اللي معه بالقروبات والله مايترك الواتس ولا يبغي احد يتكلم احيانا يتبسم الحاله وهويراسل متواصل حتى لما خرب اليفون حقه انجن شوي عليه يعني هو بالمختصر ماقاعد يحس باللي يسويه معي ولاني عارفه كيف اتفاهم معه
  4. @alfrashh_alasyrh_1

    انتي غلطانه الله يهديك المفروض هو يجيب اغراض البيت لان كذا راح يشعر بالفراغ ويدور على شي يملا فيه وقته فإشغليه بطلبات البيت

تابعي تجارب أخرى من هذا القسم.