اهلي منجنين علي//وانا مابغى'''''

بصراحه ولا تزعلين مني تفكيرك جداً سلبي

ياشيخه تمتعي واتوظفي وسدي حاجتك انتي واهلك وربي هو لو اراد لك تتزوجي بوظيفه او بدون بتتزوجين

يعني خليك شوي ايجابيه واتركي عنك هالافكار السخيفه

مبروك الوظيفه مقدماً

انا مع البنات حرام تضيعين فرصة انتي تدريت بالغيب ممكن تتزوجين بعد سنة ثنتين اربع عشر اكثر

الله اعلم يعني تضيعين فرصة من ايدينج بس عشان شي ما تدرين متى بيصير؟!!

الوظيفة راتبها حلو والمديرة حابتج وان شاء الله تكون مناسبة لج ليش تضيعين الفرصة

ترى مو كل مرة بتلقين وظيفة وسبحان الله الوظيفة جت لج ع طبق من ذهب من طرف رفيجتج الله يجزاها خيـــــــر

واهلج محتاجين ساعديهم وحججي امج وتمتعي ولما يجي عريس الغفلة ذيك الساعة فكري اذا بتتركين الوظيفة

او لا الصراحة عيشي حياتج ولا تظلين تعيشين نفسج بظنون واوهام واحلام !!!

ومو كل واحد يخطب موظفة لفلوسها ترى السالفة نصيب مو موقفة ع وظيفتج

وفكري باهلج بتفرحينهم بالفلوس وتسوين اشياء نفسج فيها وتغيرين جو وتتعرفين ع ناس

وتنصقل شخصيتج وتتطور ما في شي يغير الانسان ويعطيه الثقة كثر الوظيفة

واذا مصرة ع رايج خلاص مثل ما قالت وحدة لا تعلمين احد انج متوظفة بس اهلج

او اذا انخطبتي قولو ان البنت بس تتزوج بتترك الوظيفة ومشكلتج انتي اللي مكبرتها

ولو كل واحدة فكرت مثلج كان العالم وقف !!

وصلي استخارة وشوفي الوضع والله يهديج ويوفقج

بالفعل تفكير سلبي ومنطق غريب
هذا الي اقدر اقوله
لان لو برد عليك الرد يبغي له صفحات

اسمحي لي - من اغبى و أسخف ما قرأت

المعذرة


تفكيرك مو صاحي ابداً

طيب وفرضا ما جا نصيبك خمس سنوات قدام بتقعدين كذا لا شغل ولا مشغله صدقيني بعدين بيتغير تفكيرك وبتتحسفين على السنوات الي ضاعت من عمرك بدون ما تستغلينها..
إنت الحين توظفي وإذا تزوجتي بيسرها ربك ممكن بعدين تتركين الوظيفه لو ما ارتحتي أو يكون زوجك محترم وما يناظر فلوسك أو حتى تكون عندك شخصيه قويه وتتفاهمين معه إن الراتب لك وممكن تساعدين بشي بسيط..