يابنات انا متضايقة جدا راح اقولكم السالفة و ابي اشوف شرايكم و من الغلطان؟
عمري 24 سنة جامعية مثقفة ملامحي هندية و بشهادة الجميع يقولون عني حلوة
درست 5 سنين بالجامعة و تخرجت مُهندسة و الحمدلله الحين متوظفة من 4 شهور و كل اموري ماشية
الحمدلله .. الشيئ الي قاهرني في كل جلسة و كل جمعة مع عايلتنا من خالات و عمات و بناتهن لازم ايبون لي سيرة الزواج و يطحنون على هالموضوع كأنهم متخرعين الحمدلله و الشكر و الصراحة هذا القرار راجع لي بالاول و الاخير و الشي الثاني جدا اتضايق و انجرح لما يقولون لي عن هالموضوع كأنه بيدي و خاصة الحين مافي رجال و اغلبهم مايبان في عيونهم شيئ والواحد يشوف المشاكل يكره سالفة الزواج .. اسكت وما ارد عليهم خصوصا مرة بنت عمتي مسختها و تقول الي كبرج عندهم عيال وهي صغير عمرها 18 سنة لكن عينها قوية فشفتها بنظرات احتقار و سكت عنها .. لحد ماجا ثاني العيد و طلعت بيت جدتي ام امي و هنالك خالاتي و عيالهن مجتمعين و صار الموقف مع خالتي :
هذه خالتي طيبة ماقول لا ولكن ساعات تقول كلام ماتقصده عندها بنت وولد تزوجوا وهم صغار يمكن 18 سنة بعد علاقات حب و مدري ايش عموما جت ام زوجة ولدها تسلم علينا و قعدت تطالعني من فوق لتحت وتسأل عني خالتي ويوم راحت سالتها شفيها الحرمة تطالعني إلا تقولي خالتي: تبين ولدها ؟ -بلهجة استهزاء- عاد ولدها حتى ثانوية عامة ماعنده ..جاوبتها ماابي اتزوج ولا افكر بالزواج إلا ترد علي حلفي ؟ بعد بلهجة استهزاء انا هنا انقهرت وقلت لها ليش شايفتني ميتة على الزواج مثل عيالج ؟
عموما قلت لأمي الي صار و زفتني امي وقالت لي اكيد خالتج خلت بخاطرها ومن هالكلام قلت لأمي خلاص من يوم وساير محد يهمني و كل من يجرحني ارد عليه الكلمة بعشر و انا ماقلت شي غلط عيالها ماتوا عشان يعرسون وهم صغار ..
ها شرايكم بالموقف :( :( من الغلطان :( حسيت حبيت اني افضفض والله الوحدة قاتلة و الوحدة ودها يكون عندها بيت وعيال و لكن مافي احد عدل و بنفس الوقت اكره شعور لما يعتقدون انك تبين تعرسين لو حتى على طايح حظ !
منقهرة :(
شاركي في النقاش
سجلي الدخول لإضافة تعليق.
التعليقات
27- لااله الا الله
- والله الزواج قسمه ونصيب ذا اولا
ثانيا عمرك مو كبير لدرجة انهم يتكلموا بالطريقة ذي
الله يوفقك واحتسبي الاجر وطنشي كلام الجميع دائم عنك ثقه وقنااااااااااااااااااااااعه برايك - اولا العمر قدامك ومازلتي شباب
ثانيا خليك صريحه وقولي لهم اذا قالوا تبين تتزوجين
قولي اي خلاص حققت كل اللي اتمناه وباقي الزواج
الزواج شيء طبيعي كلا يتمناه
واللي يرقضه معناته فيه الف عله وعله امجاد الخالد والله الزواج قسمه ونصيب ذا اولا ثانيا عمرك مو كبير لدرجة انهم يتكلموا بالطريقة ذي الله يوفقك واحتسبي الاجر وطنشي كلام الجميع دائم عنك ثقه وقنااااااااااااااااااااااعه برايك
عندنا وعندك خير والله المستعان
وأنا أؤيد أنه الوحده تلجم بردها من يحاول أن ينتقص من قدرها
وردك على خالتك ارى أنه لاغبار عليه
الله يرزقك بالزوج الصالح الذي يقر عينك ويسر قلبك- مشكورين يابنات ماقصرتوا على ردودكم ..بس القهر كل شيئ رابطينه بالزواج و ان الوحدة الي مو متزوجة كأنه فيها نقص و عبالهم الكل بيموت عشان يعرس ! وبهالسبب افضل اكون منطوية و اعيش بوحدة
.. اذا ماتزوجنا مشكلة و اذا تزوجنا مشلكة و اذا جبنا عيال مشكلة و اذا ماجبنا عيال بعد مشكلة !
ايش هالناس :( الله المُستعان
مواضيع مشابهة
تابعي تجارب أخرى من هذا القسم.