ساعدوني في تخطيط بيتي الله يرزقكم بيت في الجنة

نصيحة مجرب لاتغلطون نفس غلطتنا لاتكبرون الحوش الجو عندنا مايساعد غبارنص السنه يرح مانطلع فيه ولانستفيد منه عشان البرد ونص السنه الباقي مانستفيدمنه عشان حرارة الجو والغبارويتعبنا في التنظيف
الان ندمنا ونتمنا نبني بيت ثاني ونصفر الحوش ونكبرالبيت
مجلس النساء خليه في جهه لحاله مايكون قريب من المطبخ او الصاله عشان لمايدخل زوجك ياخذشي من المطبخ او يكون عندكم عزيمه مايشوف الحريم

اذا كانت الميزانيه حلوه سووكراج لسيارات في القبو
عشان مايتوسخ بلاط الحوش من كفرات السيارات وماتظيق عليكم
وكثروالغرف

حوش اذا قصدك حديقه اواستراحه حلو حتى تكون مزروعه وفيها خيمة شعر واذا جاكم ضيوف كثير تعزمونهم فيها وتكون اجماع للرجال صراحه اذا كذا انصحك بقوه وخلو عامل يقوم عليها بالتنظيف وبالنسبه لمساحة البيت مناسب اذا احسنتوا تخطيطه وممكن تكتبين بقوقل تخطيط تصاميم فلل والله يسر امركم

شوفي ياقلبي اول شي هاتي ورقه وقلم واكتبي طلباتك في بيت العمر
مثلا... مطبخ داخلي مفتوح ومطبخ خارجي ...مجلس رجال ...مقلط ..مجلس نساء ..صاله (جلسة العائله) ..كمدورة مياه تحت وكم دورة مياه فوق ...كم غرفة نوم فوق وهل الجلسه العائليه فوق او تحت (الافضل قريبه من المطبخ) واذا تبغيها فوق اعملي مطبخ تحضيري جنبها غرفة الغسيل والخدامه تفضليها فوق السطوح او تحت بالحوش جنب المطبخ الخارجي...ملحق للرجال وكراج سياره وغرفة عامل (او سواق)
هذا الي ببالي الحين ...انتي حددي الي تبغيه بالضبط ورتبي التخطيط وبعدها اعطيه لمهندس يعمل على اساسه كم تصميم وانتي تختاري واحد منها ومممكن تعملي تعديل عليه بعدين وتخلي احد متخصص يشوفه قبل لا تعتمدوه وتوقعو العقد كأستشاره و لو اكثر من شخص كأن تعرضيه بموقع ...ومواقع البناء والتعمير كثيره وغير المهندسين ممكن اصحاب الخبره ينبهوك لاخطاء عملوها عشان لا تكرريها
عندك شبكة المهندس جدا متعاونين وتعاملهم حلو انصح فيهم والخيار لك