برنامج أسوار لعلاج المس والحسد..مع متابعة لحالتك

اتين:
هلا اختي معليك باس ان شاء الله
اقدر ظرفك ولن اكلفك وسنخو خطوات واثقة وربنا معنا

بس اول شي ادخلي صفحة 85بهالموضوع بتلاقي برنامج سهل سهل سهل ومجاني ما بيكلفك تشتري اي شي
مجرد رقى
طبقيه هو برنامج تطهير الجسد
وطبعا اكيد انتي مريضة روحيا وعلاجك بالقران
ابدي اليوم بالبرنامج وخبرينا باكر ايش التطورات
بس ابا منك شي بسيط هاتي كاس ماي بارد وصبيه فوق راسك صب مرة وحة كله بحيث الماي ينزل ع راسك وصدرك ورقبتك وطبقي عقبه الطبطبة بقوة متوسطة وبسرعه وتفاصيل الطبطبة بالصفحة الاولى بترتاااااحي باذن الله وايد لان الطبطبة نوع من انواع المساج ويستخدم لانزال العارض من الراس والصدر بالتالي يرتاح المتعالج من الخةف والتعب والضيق
معك الله

جزاك الله عنا كل خير اختي مشكورة جدا عزيزتي في ميزان حسناتك


في عندي استفسار لوسمحتي

طبعا انا تعبت من ثاني يوم برمضان والان لي شهر اعالج روحي بروحي

وفي بداية علاجي حلمت بان جرذ كبير لونه بني غامق مائل للسواد وكان شكله مبهدل واجرب وينظر اللي بعينين سوداوين كان واقف بشباك مطبخي

يريد الدخول ولكني وقفت له وبدات اخوفه فهرب وقفز الى الخلف في سور البيت وذهبت مسرعة خلفه لاقفل الباب

حتى لا يدخل الى بيتي -----فسري لي حلمي لو سمحتي

أنا حابه أنضم معكم عشان أتشجع وما أوقف عن الرقيه
إختي أسوار الله يجزاك خير ويجعله بميزان حسناتك ..


حالتي ماني فاهمتها بصراحه !!
بدأت من نقلنا للبيت الجديد قبل 11 سنه
صرت أشوف كوابيس كثيره كثيره ..
وغير كذا تصير فالبيت مشاكل بدون سبب أو لسبب تافه جداً ومايوجب الهواش والصراخ
كانت حياتنا لا تطااااااااااااق .. وكانت المشاكل خصوصاً بيني وبين أبوي .. وبين أمي وأبوي ..
رغم إننا قبل ما كنا كذا بالعكس كنت دلوعة أبوي ..
بس صرنا نصارخ على بعض ونتهاوش وكنت أشوف بعيونه لمعه غريبه ونظره ماحسها طبيعيه هالشي كان يلفت نظري
حتى جاتنا خادمه ولاحظت هالشي وكانت تقول لنا هذا جهنم مو بيت من كثر الصراخ والهواش
وجاني قولون وتععبت مرررره ونحفت و وجهي صار شاحب و واضح الحزن عليّ وصاروا الناس يقولون إني مريضه نفسياً !!!
وأموري دايماً منعكسه وصرت أكره الدراسه وبعد الثانوي مادخلت جامعه بعد سنين دخلت معهد بس برضو كرهته وصرت أغيب كثير
ولما أقدم على شغل وأقدم سيرتي الذاتيه أندم وأتضاااااايق وأتمنى إنهم يرفضوني رغم إني مقدمه بقناعتي مو بضغط من أحد !!
وتصير هالحاله بعد لما أبي أخرج من البيت عشان أتمشى ولا أروح أزور أحد أحس إني أندم لأني طالعه !!!! حاله غريبه
رغم إني كنت أحب الخروج وماكنت أحس كذا !!!
هذا غير الخطوبات إللي تتفركش !! بسبب وبدون سبب !! وغير الناس إللي يسألون عني ويختفووون !!


رحت لوحده ترقي قبل كم شهر قالت إنتي فيك مس عاشق و فيك كذا مس مو واحد .. وفيني حسد .. وإحتمال سحر تفريق !!
لما كانت ترقيني فالبدايه كنت أبكي وبعدين كنت أصارخ بس أكون بكامل وعيي
و يديني الثنتين تنتفض بقووووووووووووووه و تطلع فيها حبوب حمرا صغيره جداً بس كثيييييييييييره


غير كذا أحس بتنميل في خدي الأيمن وأحس إنه مخدر
وتحرشات بالاحلام وكان آخرها بأول يوم من رمضان :icon36:

وشفت حلمين برمضان وفسرهم لي مفسر أحلام معروف : وكلهم تفسير واحد (( أنتبه من أهل الشعوذه واقرأ سورة البقره ))



أنا بعد ما مسكت الإستغفار المشاكل إللي بيننا إختفت بنسبة 90% الحمدلله يارب
بس باقي الاعراض موجوده .. وإن شاءالله تختفي بعد ..


فيه شغله جديده ملاحظتها لما أقرأ القرآن أحس شي بداخلي يقول إن ربي متكبر أستغفر الله
بس ما أعطيها بال و أكمل القرايه بس طفشتني هالحاله :icon36:


ياليت تساعديني :44:
أنا ناويه أبدأ من بكره بسورة البقره و الأنفال و اذكار الصباح والمساء
وبعد بأقرأ على زمزم و زيت و عسل ..


السموحه طولت عليك :wink2:

عزيزتي استمعت لرقية الشيخ عبدالله الخليفة للعين

شعرت بحكة بسيطة في بطني ورجلي اليمنى وبدات في التجشؤ ما يقارب 7 مرات

وعند تكرار الشيخ ولولا اذا دخلت جنتك قلت ماشاء الله ماشاء الله ماشاء الله ماشاء الله ماشاء الله ماشاء الله

بدات في التثاؤب ودمعت عيوني

اوشي:
حسنا اذن تاطدنا ان رقية العين ستكون نافعه لك لكن ما سمعتي رقية السحر والمس؟اسمعيهم ضروري هذه مرحلة كشف عن المرض
اذا ما تاثرتي بالمس والسحر اذن معك فقط حسد وابدي اسمعي هالرقية اربع مرات يوميا اقل شي والافضل اكثر خاصة من تكوني بغرفتك شغليها تراها تحصن البيت والنفس
ادهني من راسك الى الركبة بزيت وشغليها ممكن تغسليه عقب ساعات اذا حبيتي
لا تكلفي نفسك قليل دائم خير من كثير منقطع



دانات:
ااعرفك اخية الم نتواصل سابقا !عموما مرحبا فيك وباذن الله خير
ولا يجب التاكد من نوع حالتك
لذا ادخلي صفحة 85فهالموضوع بل