هذا الموضوع نبي يكون تجمعنا للإجابه عن كل إستفساراتنا أو اللي تعرف معلومه ما بمنتدى تجي تبلغنا
أو حتى كيف نعبي الشرائح اللي يقولون عنها لحين إستقرار كل وحدة بمقر عملها والتواصل بالمعلومات الخاصه عن طريق الخاص أسأل الله لي ولكن التوفيق ...
أخر المستجدات أنهم أرسلوا رسائل أختيار القطاعات ويفترض يرسلون لنا التوجيه للقطاع واختيار الشرائح بس نظراً لضيق الوقت نستبعد هالخطوة يمكن يتم من قبلهم الله أعلم
أما مايتعلق بالمباشرة متى راح يبلغونا تتوقعون السبت نباشر أو الاثنين ؟
عموما يابنات في حال كان المباشرة والتوجيه هالاسبوع هذا وصف إدارة القويعية طلبته من عضوه أسمها هند الله يجزاها خير إليكم الوصف ( بحاول اتذكر اول ما تدخلون على القويعيه تجيك لوحه الترحيب بالمدينه بتدخلون خط خدمة يطلعك على القويعيه ثم خذي يمين فيه شارع الملك فيصل أمشي طوالي تجيك ساعة القويعيه يسارك وبعدها محطة بنزين امشي بعدها هي في الحي اللي وراء المحطه يعني جوا الحي مهي ع الشارع مبنى لونه بني .)
بس بصراحة نحتاج نتواصل مع بعض لاخذ وصف اكثر دقه ويكون خروجنا من الرياض بوقت قريب من بعض وماننسى ورنا ورقة البنك ....>>أحس بيرسلون يوم الجمعة بالليل التوجية للقطاعات !!!
موفقين يالغوالي
شاركي في النقاش
سجلي الدخول لإضافة تعليق.
التعليقات
38- اخت شهد كيف عرفتي ان توجيهنا السبت او الاثنين وش الفرق بين القطاعات والشرايح
- يالغلا هذا تسآل مني فقط وبناء على تصريحات لمسؤلين في إدارات أخرى غير القويعية يطالبون بالتوجه للإدارت وبدون رسائل تبين الصدق خاطري أروح بكرة بس أبي احد يوصف لولي أمري الطريق لانه بيكون صايم وماله خلق فرفره بالشوارع
بالنسبه للقطاعات والشرائح القطاع هو المناطق اللي تتبع إدارة المنطقة مثل قطاع الجله , والرويضه ...اللي يتبع منطقة القويعية
أما الشرائح هي الاحياء والمدارس اللي موجودة داخل كل قطاع - وتوني قريت في منتدى ثاني أن المناطق تختلف كل منطقة لها أسلوبها بعضها الرغبات عندها مكانيه وقطاعات وبعض المناطق الرغبات عندهم شرائح
أم خالد بتروحين بكره ؟ وأذا عندك أحد يقدر يوصف الطريق لأخوي الطريق بلغيني - بنات القويعية إداريات محد راح اليوم لإدارة القويعية ؟؟؟؟؟؟؟؟؟؟؟؟؟؟؟؟؟؟؟
- هلا حبيبتي شهد رحت القويعيه اليوم ولا صار شي يقولون الى ان تجيكم رسايل على جوالاتكم وسمعت خبر بمنع تكليف اي اداريه لانهم بيغيرون اماكن التعين هذا الكلام في عاجل
- وسمعت خبر بمنع تكليف اي اداريه لانهم بيغيرون اماكن التعين هذا الكلام في عاجل
المصدر حتى نطمئن
مواضيع مشابهة
تابعي تجارب أخرى من هذا القسم.