من كثر طيبتي الناس يفهموني غلط

السلام عليكم

ما ادري فيه احد مثلي او لا

دايم الناس تفهمني غلط والسبب طيبتي اللي ما اقدررررر اتحلص منها

يعني مثلا رحت مره للسوق وشفت فستان بناتي اعجبني مرره وكان باقي منه حبه وحده ومقاسها صغير على بنتي والفستان عجبني فاخذته لبنت اخوي لانه نفس مقاسها وارسلت رساله لزوجة اخوي قلت لها ابرسل لك فستان لبنتك
تخيلوا يوم شفتها ببيت اهلي ما تكلمني واذا كلمتها ترد من طرف خشمها :hmh: وفي الليل يكلمني اخوي يقول ماله داعي تشترين للبنت شي !! قلت ليه ؟؟ قال زوجتي تقول تتمنظر علينا عشان عندها وظيفة ومرتب
انا ضاااااق صدري ما قدرت انام !! وربي ما قصدت شي مثل كذا بس هذي مشكلتي افكر بالناس اللي احبهم

وموقف ثاني صار لي مع زميلة لي بالعمل كانت مره غايبه ما جت للدوام ووزعوا علينا اوراق مهمه فانا صورت لها اوراقي ويوم داومت اعطيتها الاوراق بعدين تفاجات انها قايله لوحده من زميلاتي ( فلانه اللي هي انا مصوره لي الاوراق ناقصه عشان تصير احسن مني ) وربي يشهد اني صورت لها نفس اوراقي ! ليش سوء الظن هذا جزاي يعني اللي فكرت فيها ولا وحده من زميلاتي فكرت تصور لها شي

ومره سلفتي كانت مسقطه واهلها بقريه بعيده عن الرياض وانا رحمتها لانها ما عندها احد فكلمتها بالتلفون وسألتها اذا تحتاج شي فكانت تشتكي انها ما طهرت فقلت لها الرشاد زين قالت ما عندي احد يجيب لي رشاد قلت لها انا بكره ارسل لك ولا يهمك ! بعدين اتفاجأ من اخو زوجي يقول لزوجي حرمتك متصله لقافه على زوجتي ومرسله لها رشاد قديم :icon33::icon33: وربي حرام الرشاد اللي ارسلته لها جديد ومن احسن الانواع وانا نفسي استخدمه

او احيانا اعرض على خواتي او قريباتي ياخذون من ملابسي او جزمي او شنطي لاني احب اساعد
وهم يشوفون اني اتمنظر عليهم او اتكبر او استعرض ؟؟ ليش الناس صاروا كذا ؟؟
ليش الناس دايم تفهمني غلططططططط

35 تعليق 24,116 مشاهدة

شاركي في النقاش

سجلي الدخول لإضافة تعليق.

التعليقات

35
  1. @zhr_alrbyaa_11

    نفس اللي يصير معي :06:

    بس الحمدلله ارتحت لما افكر اني التعامل مع الله :icon18:


    واللي مايبي براحته خلاص لاتشتري لهم شي والله لو تكفلين يتيم في جمعية انسان احسن لك


    وطنشي وعيشي حياتك :icon10:
  2. @rog_shfaf

    شوفي بكون صريحه معك وانت تبين اجوبه ومن غير زعل ويمكن بعد اكون غلطانه بكلامي
    انا اعرف ناس كثيره يعتبرون انفسهم طيبين ودايم تجيهم اهانات من الغير وهاذي شخصيات عاشرتها ماعندهم اسلوب ابد مايعرفون يقدمون هدايا ولا يعرفون ينصحون ولا يمزحون يعني يصير وقتهم غلط وكلامهم بعد غلط واذا جاهم رد جارح وقوي انصدمو وسودت الدنياء بعيونهم لانهم جدا حساسين يمكن انت منهم وهم اصلا يحسون انهم صح ولو ستخدمتي نفس اسلوبهم زعلو وتضايقو يبون الناس تقبلهم وتاخذ كلامهم بنيه طيبه
    وانت ذكرتي لنا ردت الفعل وحنى ماندري كيف السلوبك بتقديم الهديه او المساعده
    او ان المحيط بك يغارون منك ومن نجاحك بحياتك مو متقبلين منك شي
    والله يسر لك حياتك ويسخر لك
  3. @mlak_sdyr

    سلفتك المصونه اللي ماعندها احد يجيب رشاد اشوف صار عندها احد يتصل ويعترض ع ان الرشاد قديم
    صدق ماعاد ينفع في الناس خير
    اقول وفري فلوسك لبيتك وعيالك اصرف الله يرزقك ع قد نواياك الطيبه

تابعي تجارب أخرى من هذا القسم.