♥OoO♥ هلا وغلا بكل الاحبه (تجمع خاااص لاحلى بنااات تجمع كولوراادو)حياااا♥OoO♥

ي هلا والله ..
حتى انا دراستي في 1 اكتوبر ان شاء الله و نفس الشي م ابي هالمعهد بس قلت اروح واستقر و اشوف كيف اقدر اغير المعهد
انتي ناوية تدرسين ايش ان شاء الله ؟
و ع طاري المعهد ارسلوا لك ايميل انه لازم تسددين رسوم المعهد ؟!
لانه تو راسلين لي من يومين و طالبين مني اسدد الرسوم حق 3 شهور و لمن ارسلت لهم انه انا ع حساب الحكومة وانه بجيب ورقة الضمان المالي قالوا لي لازم بالكثير ب 17 سبتمبر تكوني جايبة الضمان المالي او تسددين و الا مكانك راح يروح عليك
وانا باوصل ب 13 ان شاء الله و بيصادف خميس و م يمديني افتح ملف بيوم واحد بعدها السبت والاحد ويك اند و م احد فاتح لي و على م سمعت انه احيانا يحتاج الضمان و الرقم الطلابي اسبوع على ما يرسلوه الملحقية
الله يسعدك ي رب انا حايسة كثير والله مو شوي
و بالنسبة للملف انا مثلك قريت انه عادي افتح من هنا و لمن اوصل هناك أكمل بس للحين مو عارفه ايش اسوي مرات اقول اخلي الحوسة مرة وحده من اوصل و مرات اقول ارفع بعض الاوراق هنا و افتك من همها و اكمل الباقي من اوصل
الله يعين بس والله انبسطت فيك ..

الله يسعدك يارب ..
انا ناويه ادرس ماستر كيمياء .. وللحين ابحث عن الجامعات الله يعين بس
لا االمعهد ماارسل لي ايميل غريبه منهم .. بس ان شاء الله يمديك تفتحين ملف ,, انا برفع ملفاتي من هنا واذا وصلت امريكا بس ارفع الاوراق الناقصه واسوي تسليم .. عشان اسرع لنا .. احسن لك تسوين جزء هنا والباقي تكملين هناك
ان شاء الله تتيسر امورك .. انا رحلتي يوم 17 الاثنين وع طول بروح لدنفر لان كل شي عن طريق النت
ايوه وش ناويه تسوين بالنقل انا حامل ومحتاسه شوي قلت بدرس شهرين بالمعهد وبعدها بدور ع معهد جامعه وانقل
فيه تجمع لبنات كولورداو الجزء الاول انا جمعت منه كم معلومه عن الشقق والفندق القريب امن معهد بريدج ن شاء الله اكتبها لك وارسلها ..
كيف الانقلش معاك انا مستواي متوسط ..
وش ناويه تاخذين معاك من السعوديه .. انا باخذ قاموس اكسفورد الكتاب .. وباخذ معاي اشياء للنفاس
ياحبي لك والله انا بعد انبسطت فييك

و يسعدك ان شاء الله ..
غريبة والله ليش اجل المعهد راسلين لي انه لازم ادفع قبل بداية السمستر ب 14 يوم و المشكلة انه بدفع 17000 ريال قيمة 3 اشهر
بس ع قولتهم لمن راسلتهم تقول من تجيبين ورقة الضمان المالي نرجع لك المبلغ !
ايه ان شاء الله شورك و هداية الله افتح الملف من هنا و بكمل اذا وصلت ان شاء الله
وانا بعد بروح لدنفر ع طول ب إذن الله و بالنسبة للمعهد انا ما عندي مشكله باللغة لان تخصصي انجليزي بس افضل المعاهد اللي تابعه للجامعات لأنهم ما يشترطون الايلتس اذا كنتي دارسة بمعهد تابع لجامعة
الله يهون عليك و ييسر لك يارب
باخذ اطلس ( الآلة ) و باخذ معاي قهوة و تمر و بهارات صديقتي كانت هناك فترة و تقول كل شي متوفر و بتلاقينه
و بالنسبة للملابس بجيب لبناتي جاكيتات و بلوفرات ع ملابسهم الصيفية لانه تقريبا وقت م نوصل ما راح يكون هذاك البرد على اللي قريته في الموقع لمن شيكت على درجة الحرارة في دنفر لهالشهر
بجيب معاي برضو ادوية و مسكنات بطلعهم بوصفه طبيه عشان م يسوون لي سالفة عليها
و بالنسبة للسكن بسكن ان شاء الله في فندق لاكوينتا باخذه مبدئيا اسبوع
لحد ما اشوف لي سكن , حاطة في بالي شقق فوكس فاير و شقق تشييري كريك كلوب كلها قريبة من المعهد و يمدحونها بالنت بس نوصل نشوف ان شاء الله
بس بالله تأكدي لي اذا المعهد ارسل لك شي او لا !
و حياك ربي =)

انا قريت اكثر من موضوع انو المعاهد التجاريه لازم تدفعين لهم واذا طلع الضمان يرجعون فلوسك ..
تو شيكت ع الايميل مافيه رساله الله يستر منهم لايرسلونها اليوم او بكره ..
ع فكره بداية اكتوبر بيكون ابرد من الجو الحين خذي احتياطك .. اهم شي عيالك ياحياتي عليهم دفيهم كويس
طيب وش ناويه تسوين باللبس ،، انا فكرت افصل عبايات ملونه بس شكله مايمدي الوقت .. وش راح تلبسين في مطار الرياض محتاره البس عبايتي السوداء وفي الطياره ابدل بالعبايه الملونه ؟ او البسها قبل مارركب الطياره
طيب البهارات لازم عليها تاريخ صلاحيه ولاعادي يمشونها ؟ والشنط كم الوزن المسموح فيها بطيران الدخلي في امريكا ،.
كثرت اسئله معليش ..
يسعدك ربي
 

ايه زين يعني قد قريتي انهم يطلبون المبلغ قبل . لاني استغربت و حبيت أتأكد لانه بالمرة ما حسبت حساب المعهد
وان شاء الله م يرسلون لك
بناتي هم اللي شايله همهم اكثر . الله يعين
بالنسبة للعبايات تلاقين بالاختيار الاول عبايات ملونة جاهزة في حال م امداك تفصلين
و بالمطار البسي عبايتك السوداء عادي لانه هناك عادي برضو لو تلبسينها ع كلام صديقتي تقول في اي مكان غير المعهد تلبس عبايتها السوداء عادي بس الحجاب ملون
البهارات لازم تحطين عليها تاريخ انتهاء , المطاحن يسوونها لك عادي
الطيران الداخلي على م قريت انه مسموح لك ب 20 كيلو للشنطة
و بالله إسألي قد ما تبين عساني انفع بس
و يسعدك يارب ..