النفاس عند زوجك

شوفي حبيبتي لاتاخذين براي احد لان كل وحده لها ظروووفها الخاصه اللي يمكن حتى ماتقدر تكتبها هنا وكل وحده هنا بترد عليك على حسب جوها هي واللي يناسبها ومو شرط يناسبك انتي قريت ردود البنات كلامهم صحيح الاهل مايقصرون بس حطي في بالك اهلها مو مثل اهلك واهلي انا مو مثل اهلك انتي وهكذا بقولك عني انا مرتين ولدت وعند اهلي قاموا فيني من ناحية الاكل والضيوف صح بس من ناحية نفسيتي لا والله جاني اكتئاب كنت احتاج اطلع برا البيت وجتني حالات على الصامت ما اتكلم وكانوا يزعلون بس تناظرين الاب توب ولاتسولفين وعجزت افهمهم ان وضعي هذا غصب عني كنت متضايقه من لا شيء حتى الضيوف اذا جو ماودي اطلع لهم وابكي كثيررر واذا طلعت لمكان قالوا نفاس لاتطلعين الوحده تثقل ولاحقه على الطلعات وهالكلام فيه اللي صريح بوجهي وفيه اللي من تحت لتحت وافهم يافهيم طلعت من النفاس حالتي مو مستقره رحت طبيب نفسي قالي هذا اكتئاب النفاس طبيعي يجي الحريم وغلطتك لو من البدايه غيرتي روتينك اليومي وطلعتي نفسك بنفسك ما احتجتي تجين عندي بس وين اللي يفهم عاد وانحرمت بنتي من الرضاعه بسبب الحبوب ومحد فهمني ابداااا هذي المره افكر وبجديه اجلس في بيتي الناس لهم الظاهر اهلي يقومون فيني بالاكل والضيوف بس نفسيتي لا وادري بينتقدوني وبيفكرون اني ابي اقابل هالرجال وفيه قوانين وعادات لازم اتبعها وهي مالها علاقه في النفاس لا من قريب ولا بعيد بس مجرد انه عيب ووشو له وغير كذا العفش اللي اشيله من بيتي لبيت اهلي لو ينقص شي دقيت اقوله جب وهات مو مثل بيتي كل شي عندي ووقت ولادتي وقت مدارس والحي اللي انا فيه بعيد عن حي اهلي كثيررر وبالنسبه للشوق بالنسبه لي مرتين عند اهلي ماشفت زود حماس صح يتكلم ويقول بس مو مثل اللي بخاطري وودي فيه من ناحيته لي واما انتي لاتوضحين له انك متعافيه وطاهره وفهميه ان الرسول ذكر فترة النفاس اربعين يوم لحكمه صحيا ونفسيا ولاتصلين عنده اذا هو مررره مايسمع الكلام واللي قالوا الحلبه وادويه الرجال اذا يبي الحرمه لو هي بريحة عرق ماكرهها واللي مايبيها والله لو تسوي عملية تجميل ماناظرها قولي الله يسخر لي بس وبعدين كل يوم انتي بتغسلين جسمك بصابونه وتتعطرين والبيبي معطر ونظيف ماله علاقه في الحلبه ابد ..
انا ذكرت تجربتي عشان اوضح لك ان كل وحده لها ظروفها ووضعها الخاص فيها واعتذر على الاطاله وهذي وجهة نظري الشخصيه والله يهون علي وعليك وعلى كل مسلمه يارب ويسخر لنا ازواجنا ..

كلامك عين العقل يا سكر زيادة وانا لو الله رزقني ليبي راح اجلس بيبت زوجي أخذ راحتي اكثر

عند امي طبعاً