انا اختي الصغيره معاقه وعلى كرسي متحرك وعمرها في الغشرين لكن عقليتها عقلية طفل ابو 5 سنين
احبها حب لا يوصف وكل اسبوع اخذها بكرسيها المتحرك واتمشى انا واياها في سوق او في منتزه او نجلس في كوفي او مطعم
ما بقى مول ولا مكان ما وديتها له وامشي وادفها بكرسيها المتحرك
قدام كل الناس ولا اخجل بالعكس احس اني فخوره مبسوطه لانها هي
مبسوطه عمري ما عزلتها وعمر ما همتني نظرة احد لها اهم شي عندي
انها تطلع كل اسبوع وتتمشى وتستانس وعمري ما خليت شي في نفسها الا
واجيبه لها تصدقون حتى جوال شاريته لها مع انها ما تعرف له ( على فكره ترا المعاقين يحسون زينا بالضبط ولو كانوا ما يعرفون يعبرون .. لدرجة ان
اختي اذا انشغلت عنها في الاختبارات وقعدت اسبوعين ما طلعتها تطفش
وتقعد تبكي وتقول يلا قومي نلوح في الثياره بس بعض الناس يعتقد انهم
يختلفون عننا) لكن فيه شي مهم ابي اقوله لاني لاحظته في الناس
وهو ان البعض منهم يبحلقون في المعاق او يمرون ويدعون له بالشفاء وهو يسمع او يقولون الحمد الله على العافيه او الحمد الله اللذي عافانا ؟؟؟
او يسألونه انت ليش على الكرسي ؟ حادث والا خلقه ؟؟ مريت بكل
هالمواقف مع اختي ..و كأنه كائن غريب ويحرجونه ويكرهونه في اليوم اللي
طلع فيه واعرف كثير معاقين اعتزلوا الحياه وجلسوا بالبيت بسبب هالعينه من
الناس.. دايم اقول الحمد الله ان اختي ما تميز والا كان حبست نفسها بالبيت وافتكت من الناس
كلمه بوجهها للناس ( اذا شفتوا معاق في مكان عام لا تحرجونه بنظراتكم او أسألتكم وعلموا اطفالكم قبل لا تطلعون انهم ما يبحلقون في اي شخص يشوفونه في مكان على كرسي متحرك
كلمه بوجهها لاهل المعاق ( افتخروا فيه وعاملوه كأنسان وعطوه كل الحب والحنان والاهتمام والتشجيع واهتمو فيه وقوو ثقته بنفسه وطلعوه قدام الكل )
والله عندي كلام كثير بس بقوم اصلي
هـل تخجـل من أن يكـون صديقك أو شقيقك معاقاً؟
متابعة النقاش، صفحة 4