كبار السن كيف ممكن نرفه عنهم في عصرنا هذا

أختي اللي تسأل عن القلم القارئ في مكتبة جرير
سمعت عنه

الله يرزقهم الخاتمة الحسنة ويجزيهم عنا كل خير

مدري ليش دمعت عيني وانا اقرأ الموضوع !!

الله يرحم ضعفهم...كل مااشوفهم يتقطع قلبي عليهم
احسهم عايشين ومو عايشين وبالذات اللي كان له اصحاب او اصدقاء طفولة وماتو الله يرحمهم برحمته
احزن لان ابوي يمر بذا الوضع الله يحفظه ولايحرمني منه...نفسي اعطيه كل شي ومايحس بوحدة او فراغ بس مهما كان انا مو زي انسان بعمره عاش تفاصيل من حياته وانبسط ولهم ذكريات طفولة وغيره
يارب تغفرلهم وترحم ضعفهم

انا واختي واخواني نقعد مع امي ونسليها وسوالف معها ...... اخواني مايقصرون يزورونها يوميا يسالفون معها
واحب امزح مع امي ......انا امي كبيره عمرها فوق 76 وياحياتي بدت تضيع شوي....غير انها ضعيفه وعندها هشاشه عظام
احنا عندنا سوق قديم اسمه سوق واقف ....اودي امي له ....احط العربيه (الجاري) لامي وامشيها بالسوق ....كثير تنبسط وتقعد تشتري من الاغراض الي تشوفها
عندنا بعد كتارا جلسات على البحر .....كانت رافضه تروح واقنعتها .....يوم راحت انبسطت كثير
احاول اشجعها تطلع تزور اهلنا
يبغون تشجيع واهتمام .....دايما اشجعها على الطلعه ...اذا ماشجعتها خلاص ماتطلع وتستغرب وتخاف من الطلعه...بس نطلع يوم بالاسبوع او بالاسبوعين......بس من جاء الصيف ماطلعت حر ماتقدر

الي تقول محفظه قران ياختي صعبه امي تضيع وماتقدر تحفظ .....فيها بدايه الزهايمر.....بس هي دايما تفتح الراديو على القران وانا احط بعد قناه مكه قران على التلفزيون
ونقول لها قصص الانيياء تحب تسمعها....خاصه النبي يوسف لو نقولها يوميا ماتمل
طولت عليكم ......الله يوفقني وابر باأمي