التجمع (36 ) والاخير :( للحوامل والنفوسات لشهري يوليو واغسطس والحمدلله من قبل ومن بعد

بنت البوداي نفس الاعراض تجيني من غير الافرازات الثقيله مستمره

لوحة المشتاق // شكلك جارتي ههههههه. أنا من الجوف


يارب ياررررررررب ماتعدي هالليله الا وانا والده ولاده سهله ولكل الكروشات يارب

اااااامين يااااارب أنا موعد ولادتي نفسك يالنو

السلام عليكم و رحمة الله و بركاته
كيف حالكم يا بنات عساكم بخير و صحه
واخيرا فضيت شوي عشان احكي لكم قصة الولاده
مع ان تعب العمليه الى الآن مستمر يهد حيلي وقت
و يختفي وقت ثاني و الحمد لله على كل حال
انا تنومت يوم الاربعاء ٢٢ رمضان كنت تعبانه من ألم الضهر
و يوم رحت مستشفى الولاده قالت مفتوح ٢ سم و احتمال الليله ولاده
كانت الساعه ٧ الصباح و تنومت و اضطريت افطر يومها
لان خفت تتم الولاده وانا صايمه و ينهد حيلي
مع ان مافيني طلق ولا شي << ليه معطيني امل مدري
المهم كشف و لعب فيني ولا جاتني ولاده و الدكاتره
يبون زوجي يجي يوقع على الموافقه على الطلق الصناعي
لكن ضروف عمل زوجي ما سمحت انه يجي الا يوم الخميس
و يومها ذبحوني المستشفى من الحر لاتكييف عدل ولا شي
تحسين انك داخله تنور والله وهذا الي خلاني اطلب الخروووووووج
وعلى مسئوليتي لكن يوم جا زوجي بيوقع خروج اقنعوه انه يوقع
على الطلق الصناعي مسكين خايف و كلامهم خوفه زياده
قلت نتوكل على الله وفعلا ما جات الساعه ٢ و نص فجر الجمعه
الا و جايين يعطوني اول تحميله للطلق الصناعي و تشتغل التحميله
و اعاني الين الساعه تقريبا ١١ و نص الظهر و لما جاو يكشفون شافوه
فتح بس ٢ سم و يعطوني الثانيه و يحمى الطلق و يستمر الين الساعه ٣
العصر و تجي تكشف و تلاقيه مافتح الا نص سم يعني بس ٢ و نص سم
ام التحطييييييم و النفسيه صارت مدمررررررره
و من قوة الألم اقول للدكتوره لاتحطين الثالثه خلاص موقادره اتحمل
قالت مااقدر احطها و الرحم مافتح الا نص سم لازم تقومي تمشين
قلت لها مافيني امشي باالمره و تتركني و تروح و انا الي يهد حيلي الطلق
الين المغرب جاو شافوه فتح ٤ سم و ياخذوني على الولاده و هناك المجزره
ثنين رجال ممرضين مستلميننا كنهم جزارين و يجيني واحد وانا مابي رجال
يكشف علي لكن وقتها مو قادره اتكلم و اخليها على ربي و يجيني و يكشف
و شوي و يرجع يكشف و ينزل لي موية الجنين و يكتشفون ان البيبي متبرز داخل
و يراقبوني وانا اعاني والله حتى مدري كم خذيت من وقت و يجي الدكتور
و يعطونه التقرير تبعي بحكم ان دكتورتي بتتأخر و عندها حالات ولاده قبلي
و حسيت الدكتور عصب عليهم اتوقع لانهم فتحو موية الجنين و على طول
جاني قال لي بوادر الولاده عندك بطيئه و الرحم حاليا مفتوح ٦ و نص الى ٧ سم
و اذا بننتظر الولاده طبيعي بتتأخرين و هذا فيه خطر على البيبي وانا اقترح تولدين
بعمليه وش رايك ؟؟؟
انا وقتها مافيني حيل وقلت له توكل على الله و بلمح البصر جهزوني للعمليه و تمت بحمد الله
و جبت احلى عروسه تملي علي حياتي فديت روحها انا
و بقول لكم لما انتهى الدكتور من الولاده حب يشيك على المبايض و تفاجأ بوجود اكياس حولها
و حجمهم فضييييييع لدرجة ماعرف وش يسوي و استدعى استشاري من بيته عشان يساعده
في استئصال الاورام هذي و كانت هذي من فايدة قرار العمليه المفاجئ و رحمه من ربي سبحانه
و الحمد لله على كل حال
لي عوده الحين جاو حريم ولازم اروح *_*

الليل الغافي قصة ولادتك والله مأساة الله يعينك يا رب بس الحمد لله انها طلعت بنتيجة
وتم ازالة الاكياس فرد مرة
بس والله ممرضين رجال @_@!! بجد غريبة ما كنت اتخيل هيك ابدا في السعودية

الف مبروك واحة
الف مبروك لكل اللي ولدوا

ووه واحة اما مستشفاكم حقير
من جد
من حنا بالشهر الرابع وانا مكتئبه منه من سوالفك عنه هههه

يلا الحمدلله سلامتك وسلامة البيبي
وش سميتوه


انا بنتي مجننتني تككككره ولدي
تضربه
تشد شعره النتفتين اللي فيه
تناظره بحقد
ماتبيني المسه

وماطهرته لسا

كان ودي اول يوم او ثاني يوم
عشان افتك ويفتك هو
بس الطبيب باجازه
بنطهره اذا تم 15 يوم
شرايكم تحسون تاخرت والا احسن كذا ؟؟

بليز عطوني تجاربكم ووش رايكم بالتوقيت اخاف غلطنا